বাংলাদেশৰ শ্বাহজাদপুৰ উপাজিলাৰ ছিৰাজগঞ্জৰ শ্বাহজাদপুৰ উপজিলাৰ আতৰদাগ গাঁৱৰ এজন যুৱকৰ পেটৰ পৰা ১৫টা কলম উলিয়াই চিকিৎসকে।
অৱশ্যে চিকিৎসকে কয় যে তেওঁৰ পেটত এতিয়াও চাৰি-পাঁচটা কলম বাকী আছে।
যুৱকজনৰ নাম মোটালেব হোছেইন। শ্বাহজাদপুৰ উপজিলাৰ খুকনি ইউনিয়নৰ আতৰদাগ গাঁৱৰ বাসিন্দা। মোটালেবৰ পৰিয়ালৰ মতে, শেহতীয়াকৈ তেওঁৰ পেটৰ তীব্ৰ বিষ অনুভৱ হৈছিল। মোটালেবে বিষত ইজনৰ পিছত সিজন ডাক্তৰৰ ওচৰলৈ গৈছিল। কিন্তু কোনো সমাধান পোৱা নাছিল। শেষত ছিৰাজগঞ্জৰ শ্বহীদ এম মনছুৰ আলী চিকিৎসা মহাবিদ্যালয় হাস্পতালত এই বিষয়টো ধৰা পৰে আৰু যুৱকজনৰ পেটৰ পৰা ১৫টা কলম উলিয়াই অনা হয়। ইয়াৰ পূৰ্বে ২০০৬ চনতো মোটালেব হোছেইনৰ পেটৰ বিষ হৈছিল। সেই সময়ত তেওঁৰ পেটৰ পৰা দুটা লোহাৰ টুকুৰা উলিওৱা হৈছিল।
