কৰ্ণাটকত জয়ৰ পিছত আত্মবিশ্বাসী কংগ্ৰেছ।
এইবাৰ মধ্যপ্ৰদেশত বিধানসভা নিৰ্বাচন। তাতো জয়ী হ’ব বুলি আত্মবিশ্বাসী কংগ্ৰেছ। মধ্যপ্ৰদেশৰ নিৰ্বাচনত দলটোৱে ১৫০খন আসন লাভ কৰিব বুলি মন্তব্য কৰিছে ৰাহুল গান্ধীয়ে। সাংবাদিকৰ সন্মুখত ৰাহুলে কয়, কৰ্ণাটকত ১৩৬ খন আসন পাইছো। আভ্যন্তৰীণ পর্যালোচনাৰ অন্তত দেখা গৈছে যে নির্বাচনত মধ্য প্রদেশে ১৫০খন আসন পাব ৷ কাকতলীয়ভাৱে মুখ্য কার্যালয়ত কংগ্রেছৰ সভাপতি মল্লিকর্জুন খর্গে আৰু সাংসদ ৰাহুল গান্ধীৰ সৈতে মধ্য প্রদেশৰ শীর্ষ কংগ্রেছ নেতাসকলৰ বৈঠক হৈ গৈছে ৷ য’ত মধ্যপ্ৰদেশ বিধানসভা নিৰ্বাচনৰ প্ৰস্তুতিৰ বিষয়ে আলোচনা কৰা হয়। এই বৈঠকত মধ্যপ্ৰদেশ কংগ্ৰেছৰ মুৰব্বী কমল নাথো উপস্থিত থাকে। বৈঠকৰ অন্তত কমল নাথে কয়, ‘মধ্যপ্ৰদেশৰ নিৰ্বাচনলৈ চাৰি মাহ বাকী। বৈঠকত নিৰ্বাচনৰ লগতে কিছু গুৰুত্বপূৰ্ণ বিষয়ৰ ওপৰত আলোচনা কৰা হয়।
২০১৮ চনৰ নিৰ্বাচনত মধ্যপ্ৰদেশত বিজেপিক পৰাস্ত কৰি কংগ্ৰেছ ক্ষমতালৈ আহিছিল। কিন্তু কমল নাথৰ চৰকাৰ পতনৰ লগে লগে ২০২০ চনত বিজেপিয়ে ক্ষমতা দখল কৰিলে। পুনৰ মধ্যপ্ৰদেশ দখল কৰিবলৈ আগ্ৰহী গেৰুৱা শিবিৰ। কিন্তু কংগ্ৰেছো এইবাৰ নাচোৰাদবন্দা। কিয়নো কৰ্ণাটকৰ জয়ে তেওঁলোকক আত্মবিশ্বাস প্ৰদান কৰে।
