মণিপুৰত ডেৰ মাহ ধৰি হিংসাত্মক পৰিস্থিতিৰ সৃষ্টি হোৱাৰ পাছতো নৰেন্দ্ৰ মোডীৰ মৌনতাক লৈ ছ’চিয়েল মিডিয়াত এনেধৰণৰ ‘সন্ধন চৈ’ৰ পোষ্টাৰ বিয়পি পৰিছে।
বৃহস্পতিবাৰে নিশা পুনৰ হাজাৰ হাজাৰ লোকে বৈদেশিক পৰিক্ৰমা ৰাজ্যিক মন্ত্ৰী তথা মণিপুৰ বিজেপিৰ সাংসদ ৰাজকুমাৰ ৰঞ্জন সিঙৰ ঘৰত জুই লগাই দিয়ে। ৰঞ্জন এতিয়া ৰাজ্যৰ বাহিৰত। আক্ৰমণৰ সময়ত কোনো লোক ঘৰত নাছিল। ইয়াৰ পূর্বে ২৫ মে’ত ৰঞ্জনৰ ঘৰত আক্রমণ ঘটে৷ বৈদেশিক পৰিক্ৰমা ৰাজ্যিক মন্ত্ৰীগৰাকীয়ে কয়, ‘কেন্দ্ৰীয় গৃহমন্ত্ৰী অমিত শ্বাহে মোক ফোন কৰিছিল। বাৰে বাৰে মোৰ ঘৰত কিয় আক্ৰমণ চলি আছে নাজানো। শান্তি ঘূৰাই অনাৰ বাবে মই যৎপৰোনাস্তি চেষ্টা কৰিছো। ৰাজ্যৰ আইন-শৃংখলা সম্পূৰ্ণৰূপে ভাঙি গৈছে। কেন্দ্ৰৰ পৰা ইমান বাহিনী প্ৰেৰণ কৰাৰ পিছতো ৰাজ্য চৰকাৰে পৰিস্থিতি চম্ভালিবলৈ সম্পূৰ্ণৰূপে ব্যৰ্থ হৈছে।” মন্ত্ৰীগৰাকীৰ ঘৰ জ্বলাই দিয়াৰ অভিযোগ নাকচ কৰি কুকিসকলে কয় যে আৰক্ষীৰ দুৰ্গত এনে ঘটনা সংঘটিত হোৱাটো বিশ্বাস কৰিব নোৱাৰা কথা।