প্ৰথমবাৰৰ বাবে ছিংগাপুৰক বিশ্বৰ সৰ্বাধিক ব্যয়বহুল চহৰ হিচাপে নিৰ্বাচিত কৰা হৈছে
সামগ্ৰী আৰু সেৱাৰ মূল্যৰ ক্ষেত্ৰত ছিংগাপুৰে হংকং, লণ্ডন, নিউয়ৰ্কৰ দৰে চহৰক পিছ পেলাই বিশ্বৰ আটাইতকৈ ব্যয়বহুল চহৰ হিচাপে পৰিগণিত হৈছে।
মঙলবাৰে বিশ্বব্যাপী সম্পদ আৰু জীৱনশৈলীৰ প্ৰতিবেদনত ছিংগাপুৰে শীৰ্ষস্থান দখল কৰে। এই এছিয়াৰ এই চহৰখনে প্ৰথমবাৰৰ বাবে বিশ্বৰ আটাইতকৈ ব্যয়বহুল চহৰৰ খিতাপ দখল কৰিছে।
বিশ্বৰ বাকী অংশৰ তুলনাত ছিংগাপুৰত গাড়ী আৰু অত্যাৱশ্যকীয় স্বাস্থ্য বীমাৰ মূল্য গড়ে ১৩৩ আৰু ১০৯ শতাংশ বৃদ্ধি পাইছে। জুলিয়াছ বেয়াৰৰ ‘গ্ল’বেল ৱেলথ এণ্ড লাইফষ্টাইল’ প্ৰতিবেদন অনুসৰি দেশত ১২টা অত্যাৱশ্যকীয় সামগ্ৰী আৰু ৮টা সেৱাৰ মূল্যও বৃদ্ধি পাইছে।
বৰ্তমান ছিংগাপুৰত থকাৰ ব্যৱস্থা, শিক্ষা আৰু জীৱন-যাপনৰ খৰচ যথেষ্ট বৃদ্ধি পাইছে। সেইবাবেই বহু লোকে দেশ এৰি চুবুৰীয়া দেশ মালয়েছিয়ালৈ দৌৰি যায়।
এই তালিকাৰ দ্বিতীয় সৰ্বাধিক দামী চহৰ চীনৰ চাংহাই। তৃতীয় স্থানত আছে হংকং।