আৰু কেইদিনমানৰ অপেক্ষা।
জি-২০ আন্তঃৰাষ্ট্ৰীয় সন্মিলনকলৈ এতিয়া উত্তেজনা অধিক। আমেৰিকাৰ ৰাষ্ট্ৰপতি জো বাইডেন, ব্ৰিটিছ প্ৰধানমন্ত্ৰী ঋষি সৌনাক, কানাডাৰ প্ৰধানমন্ত্ৰী জাষ্টিন ট্ৰুডোৰ দৰে শীৰ্ষ বিদেশী নেতাই অহা মাহৰ দ্বিতীয় সপ্তাহত ৰাজধানী ভ্ৰমণ কৰিবহি। আনকি তেওঁলোকৰ সহযোগীসকলো এই সন্মিলন উপলক্ষে ভাৰতলৈ আহিব। এনে পৰিস্থিতিত দিল্লীত ইংৰাজী ক’ব পৰা শ্ৰমিকৰ চাহিদাও বাঢ়িছে।
সূত্ৰৰ পৰা জানিব পৰা মতে, এই সন্মিলন আৰম্ভ হোৱাৰ কিছুদিন পূৰ্বে দিল্লীৰ চান্দনী চ’কত থকা বিভিন্ন দোকান-পোহাৰ আৰু খাদ্যৰ দোকানত ইংৰাজী ক’ব পৰা কৰ্মচাৰীক মালিকসকলে ৰাখিব। লগতে সাৱলীলভাৱে ইংৰাজী ক’ব পৰা ল’ৰা-ছোৱালীক দোকানলৈ আনিব। এই ব্যৱস্থা এইকাৰণেই যে ভাষা যাতে ব্যৱসায়ত বাধা হৈ নপৰে।
ইতিমধ্যে ৰাজধানীৰ চুক-কোণ পোহৰেৰে আলোকিত কৰা হৈছে। সন্মিলন উপলক্ষে দিল্লীত বিলাসী হোটেলৰ পৰা আৰম্ভ কৰি ৰাজপথলৈকে শ্ৰমিকসকলেও সবিশেষ চোৱাচিতা কৰি আছে। ৯ আৰু ১০ ছেপ্টেম্বৰত দিল্লীত সন্মিলন। এই সন্মিলনৰ বাবে ইতিমধ্যে দিল্লী চৰকাৰে ৮, ৯ আৰু ১০ ছেপ্টেম্বৰত চৰকাৰী বন্ধ ঘোষণা কৰিছে।