থাইৰয়ড গ্ৰন্থি আৰু ইয়াৰ পৰা নিঃসৰণ হোৱা থাইৰয়ড হৰম’ন বৃদ্ধি, বিকাশ, শাৰীৰিক কাৰ্য্যত অতি গুৰুত্বপূৰ্ণ। এই সমস্যাৰ দ্বাৰা মহিলাসকল আটাইতকৈ বেছি ক্ষতিগ্ৰস্ত হয়। থাইৰয়ড গ্ৰন্থিৰ লগত জড়িত বহুতো সমস্যা থাকে। যদি থাইৰ’ক্সিন হৰম’ন উৎপাদনত অভাৱ হয় তেন্তে সেয়া হ’ল হাইপ’থাইৰয়ডিজম। ইয়াৰ বিপৰীতে যদি থাইৰক্সিন অতিৰিক্তভাৱে নিঃসৰণ হয় তেন্তে হাইপাৰথাইৰয়ডিজম হয়।
হাইপোথাইৰয়ডিজম – থাইৰয়ডৰ আটাইতকৈ সাধাৰণ সমস্যা হ’ল হাইপোথাইৰয়ডিজম। সাধাৰণতে পুৰুষতকৈ মহিলাসকল এই সমস্যাৰ দ্বাৰা অধিক প্ৰভাৱিত হয়। কোৱা হয় যে ইয়াৰ মূল কাৰণ হ’ল থাইৰয়ড ষ্টিমুলেটিং হৰম’ন বা টি এছ এইচৰ তাৰতম্য। থাইৰয়ড গ্ৰন্থিৰ প্ৰদাহক হাইপাৰথাইৰয়ডিজম বোলা হয়। এই ক্ষেত্ৰত গ’ইটাৰৰ দৰে সমস্যাৰ লগতে ডাউন চিণ্ড্ৰমৰ সৈতে প্ৰসৱৰ সমস্যাও দেখা যায়।
হাইপাৰথাইৰয়ডিজম- হাইপাৰথাইৰয়ডিজমৰ ফলত ওজন কমি যোৱা, অত্যধিক ঘাম ওলোৱা, ওজন কমি যোৱা, মল ঢিলা হোৱা আদি সমস্যাৰ সৃষ্টি হয়। এই সমস্যাৰ লক্ষণসমূহ হ’ল অনিদ্ৰা, অত্যন্ত নাৰ্ভাছ, তাপ অসহিষ্ণুতা। এই সময়ত হৃদস্পন্দনও বৃদ্ধি পায়। মানসিক চাপ, সংক্ৰমণ, প্ৰদাহৰ ফলত এই সমস্যা হ’ব পাৰে। থাইৰয়ডৰ ক্ষেত্ৰত সাৱধান হ’বলৈ কি কি লক্ষ্য ৰাখিব লাগে? যদি পেশীবোৰ টান হয়, গাঁঠিৰ বিষ অনুভৱ হয়, তেন্তে এই থাইৰয়ডটো অতি গুৰুত্বপূৰ্ণ। বহু সময়ত থাইৰয়ড বাঢ়িলে শৰীৰত ভাগৰুৱা অনুভৱ হয়। থাইৰয়ডৰ লগত ডিঙিৰ বিভিন্ন সমস্যা দেখা যায়। ইয়াৰ ফলত ডিঙিত বিষ হ’ব পাৰে। কণ্ঠৰ পৰিৱৰ্তনৰ সম্ভাৱনাও আছে। বহুতে এই ৰোগৰ সৈতে অত্যধিক চুলি সৰা অনুভৱ কৰে। ইফালে যদি মহিলাৰ মাহেকীয়া অনিয়মিত হয় তেন্তে থাইৰয়ডৰ যত্ন ল’ব লাগে।
