চৰ্দি বুলিলে আমি চৰ্দি আৰু কাহকে ধৰি বিভিন্ন ৰোগক বুজো। কিন্তু বিশেষজ্ঞসকলে কয় যে শীতল উষ্ণতাত শুই থকাটো স্বাস্থ্যৰ বাবে অতি উপকাৰী। সাধাৰণতে ১৫-১৯ ডিগ্ৰী চেলছিয়াছত শুলে আন বহু উপকাৰিতাও পোৱা যায়।
১. সহজে আৰু সোনকালে টোপনি আহে
অতিমাত্ৰা গৰম হ’লে টোপনি অহাত অসুবিধা হয়। সাধাৰণতে ৰাতি টোপনিৰ সময়ত আমাৰ শৰীৰৰ উষ্ণতা কমি যায়। এই প্ৰক্ৰিয়াত শৰীৰে শক্তি খৰচ কৰে।
গতিকে ৰাতি শুই থকাৰ সময়ত যদি আপুনি কোঠাটোৰ উষ্ণতা কমাই দিয়ে তেন্তে এই প্ৰক্ৰিয়া দ্ৰুত হয় আৰু আপুনি সহজে টোপনি যায়।
২. বিপাকীয় ক্ৰিয়া উন্নত কৰা
ৰাতি যদি আমি ভালদৰে টোপনি নাথাকো তেন্তে আমাৰ পাচনতন্ত্ৰৰ সমস্যা হয়। ইয়াৰ ফলত গেছ, বদহজম আদি হয়। আমেৰিকাৰ নেচনেল ইনষ্টিটিউট অৱ হেল্থৰ মতে, শীতল উষ্ণতাত শুলে ইনচুলিনৰ সংবেদনশীলতা বৃদ্ধি পায়, বিপাকীয় ক্ৰিয়া বৃদ্ধি পায়।
এই অভ্যাসে শৰীৰক বিপাকীয় ৰোগৰ আশংকাৰ পৰা ৰক্ষা কৰে।
৩. দীঘলীয়া আৰু গভীৰ টোপনি
বহুতৰে অনিদ্ৰা হয়। সাধাৰণতে শৰীৰৰ উষ্ণতা বৃদ্ধিৰ বাবে অনিদ্ৰা হয়। কিন্তু কোঠাৰ উষ্ণতা কম হ’লে অনিদ্ৰাৰ পৰা উপশম পাব আৰু কেঁচুৱাৰ দৰে সুস্থভাৱে শুব পাৰিব।
৪. মানসিক চাপ হ্ৰাস কৰে
দিনটোৰ কষ্টৰ অন্তত আমি সকলোৱে এটা ভাল টোপনিৰ আশা কৰোঁ।
যাতে পিছদিনা ভাগৰ নোহোৱাকৈ কামলৈ যাব পাৰো। অতিৰিক্ত মানসিক চাপে অনিদ্ৰাৰ সৃষ্টি কৰে যিয়ে আমাৰ বিপাকীয় ক্ৰিয়াত বাধাৰ সৃষ্টি কৰে আৰু ওজন বৃদ্ধি কৰে। গতিকে বেছিভাগ পুষ্টিবিদে সুস্থ হৈ থাকিবলৈ দ্ৰুত আৰু ভাল টোপনিৰ পৰামৰ্শ দিয়ে। শীতল উষ্ণতাত শুলে মানসিক চাপৰ হৰম’ন হ্ৰাস কৰি শৰীৰৰ মানসিক চাপৰ পৰা উপশম পায়। ফলত ভাল টোপনি।