ক্ৰিমিয়াৰ চেভাষ্টোপলত ৰাছিয়াৰ ক’লা সাগৰীয় বহৰৰ মুখ্য কাৰ্যালয়ত ইউক্ৰেইনৰ সেনাই ক্ষেপণাস্ত্ৰ আক্ৰমণ চলায়।
এই আক্ৰমণত ৯ জন লোক নিহত হোৱাৰ লগতে ১৬ জন আহত হয়।
শুকুৰবাৰে চেভাষ্টোপলত ৰাছিয়াৰ ক’লা সাগৰীয় বহৰৰ মুখ্য কাৰ্যালয়ত ক্ষেপণাস্ত্ৰ আক্ৰমণ চলোৱাৰ দাবী ইউক্ৰেইনে। ছ’চিয়েল মিডিয়াত প্ৰকাশ পোৱা এই আক্ৰমণৰ একাধিক ভিডিঅ’ ফুটেজত দেখা গৈছে যে অট্টালিকাৰ চালৰ পৰা বগা ধোঁৱা ওলাই আহিছে।
ইউক্ৰেইনৰ সেনাই দাবী কৰে যে ৰাছিয়াৰ সেনাবাহিনীৰ দুজন জেনেৰেল হতাহতৰ ভিতৰত আছে। ইউক্ৰেইনৰ শীৰ্ষ চোৰাংচোৱা সংস্থাৰ মুৰব্বী কিৰিল বুডানভে কয় যে আহতসকলৰ ভিতৰত ক’লা সাগৰৰ বহৰ গ্ৰুপৰ অধিনায়ক কৰ্ণেল জেনেৰেল (আলেকজেণ্ডাৰ) ৰোমানচুকৰ অৱস্থা অতি সংকটজনক। ইয়াৰ উপৰিও মুখ্য কৰ্মচাৰী লেফটেনেণ্ট জেনেৰেল (অলেগ) চেকভ এতিয়াও অসংজ্ঞায়িত হৈ আছে।
আক্ৰমণৰ লগে লগে ৰাছিয়াৰ প্ৰতিৰক্ষা মন্ত্ৰালয়ে কয় যে আক্ৰমণত তেওঁলোকৰ এজন নৌসেনাৰ জোৱান নিৰুদ্দেশ হৈছে। কিন্তু বুডানভে ৰাছিয়াৰ ক’লা সাগৰৰ বহৰৰ অধিনায়ক এডমিৰেল ভিক্টৰ ছ’ক’লভৰ মৃত্যু নিশ্চিত কৰা নাছিল।