দিনটোত কিমান কাপ কফি খাব লাগে? কিমান কফিয়ে আপোনাৰ শৰীৰত সমস্যাৰ সৃষ্টি নকৰে? বিশেষজ্ঞসকলে কি কয়? সুস্থ হৃদযন্ত্ৰৰ লোকৰ বাবে এক নিৰ্দিষ্ট মাত্ৰালৈকে কফি সেৱন কৰাটো নিৰাপদ বুলি গণ্য কৰা হয়। আমেৰিকান হাৰ্ট এছ’চিয়েশ্যন আৰু ইউ এছ ফুড এণ্ড ড্ৰাগ এডমিনিষ্ট্ৰেচনৰ তথ্য অনুসৰি প্ৰতিদিনে তিনিৰ পৰা চাৰি কাপ কফি খালে বেছিভাগ মানুহৰে বাবে নিৰাপদ বুলি প্ৰমাণিত হৈছে। সাধাৰণতে কফিয়ে হৃদযন্ত্ৰৰ স্বাস্থ্যৰ ওপৰত বিৰূপ প্ৰভাৱ পেলোৱা দেখা নাই। অৱশ্যে প্ৰতি কাপত কিমান কফি খায় জুখিব লাগিব। গোটেই দিনটো তিনিৰ পৰা চাৰিকাপ কফি খালে ৩০০-৪০০ মিলিগ্ৰাম কেফেইন আপোনাৰ শৰীৰলৈ যায়।
বহুতো এনাৰ্জি ড্ৰিংকতো কেফেইন থাকে। মনত ৰাখিব ৩ কাপ কফিত প্ৰায় ১০ কাপ কেফেইন থাকে। আপুনি কেনেকৈ জানিব যে আপোনাৰ কেফেইন বেছিকৈ থাকে নেকি? অত্যধিক কেফেইনৰ লক্ষণসমূহ হ’ল অনিদ্ৰা, অস্থিৰতা, ধপধপনি, অত্যধিক ঘামচি ওলোৱা, বমি আৰু মূৰৰ বিষ। ইয়াৰ দীৰ্ঘম্যাদী প্ৰভাৱো আছে। বেছিকৈ কফি খালে টোপনিৰ সমস্যা, উদ্বেগ, পেটৰ দীৰ্ঘদিনীয়া সমস্যা, উচ্চ ৰক্তচাপ আৰু হৃদযন্ত্ৰৰ ছন্দৰ অসুবিধা হ’ব পাৰে।