মাইক্ৰ’ ব্লগিং চাইট এক্সয়ে অহা বছৰৰ ভিতৰত পূৰ্ণাংগ ডেটিং চাইট হিচাপে কাম আৰম্ভ কৰিব। ইলন মাস্কে জনাইছে এই কথা। যোৱা নৱেম্বৰ মাহত টুইটাৰ অধিগ্ৰহণ কৰাৰ পিছৰে পৰা মাস্কে এই প্লেটফৰ্মটো শূন্যৰ পৰাই নিৰ্মাণ কৰি আহিছে। প্লেটফৰ্মৰ নামৰ পৰা আৰম্ভ কৰি পৰ্টেলৰ ল’গ’লৈকে, ব্যৱহাৰৰ নিয়মৰ পৰা আৰম্ভ কৰি অতিৰিক্ত সুবিধালৈকে সকলো সলনি কৰি দিছে এই কোটিপতিগৰাকীয়ে। এক্স প্ৰধানে কয় যে ইয়াত ডেট এপৰ বৈশিষ্ট্যও সংযোজন কৰা হ’ব।
সাধাৰণ মানুহৰ মাজত ডেটিং এপৰ চাহিদা বৃদ্ধি পোৱাত এই সুবিধা তেওঁৰ পৰ্টেললৈ আনিব বিচাৰিছে উদ্যোগপতিগৰাকীয়ে। বিজনেছ ইনচাইডাৰত প্ৰকাশিত এক প্ৰতিবেদন অনুসৰি মাস্কে সেই সময়ৰ চাহিদা অনুসৰি বিভিন্ন বৈশিষ্ট্য আনিব বিচাৰিছে। গতিকে ডিজিটেল বেংকিং বা ডেটিং এপ, এক্সে সকলো বস্তু এটা ছাতিৰ তললৈ আনিব বিচাৰে। শুকুৰবাৰৰ পৰা তেওঁ এক্স প্লেটফৰ্মত নতুন চাবস্ক্ৰিপচন প্লেন প্ৰৱৰ্তন কৰিছে। প্ৰিমিয়াম প্লাছ নামৰ এই প্লেনে বিজ্ঞাপন অবিহনে সকলো সুবিধা প্ৰদান কৰিব।