আজি সুধাকণ্ঠ ড০ ভূপেন হাজৰিকাৰ দ্বাদশ মৃত্যু বাৰ্ষিকী। ড০ ভূপেন হাজৰিকা অসমীয়া, বাংলা আৰু হিন্দী চিনেমাৰ সংগীত ক্ষেত্ৰখনৰ এক চিৰপৰিচিত নাম যিয়ে কেৱল শ শ চলচ্চিত্ৰৰ বাবে সংগীত ৰচনা কৰাই নহয়, বহুতো গানত নিজৰ কণ্ঠৰ যাদু বিয়পাইছিল। তেওঁ ভূপেন হাজৰিকাই বিশিষ্ট গায়ক, সংগীতকাৰ কিশোৰ কুমাৰ, লতা মংগেশকাৰৰ সৈতেও গীত গাইছিল।সংগীত জগতলৈ তেওঁৰ অনবদ্য অৱদানৰ বাবে তেওঁক কেইবাটাও সন্মানীয় বঁটা প্ৰদান কৰা হৈছিল। ড৹ ভূপেন হাজৰিকাক ১৯৭৫ চনত ৰাষ্ট্ৰীয় বঁটা, ১৯৭৭ চনত পদ্মশ্ৰী বঁটা আৰু ১৯৯২ চনত সংগীতৰ ক্ষেত্ৰত অসামান্য অৱদানৰ বাবে তেওঁক চলচ্চিত্ৰ জগতৰ সৰ্বোচ্চ বঁটা ‘দাদা চাহেব ফালকে বঁটা’ প্ৰদান কৰা হৈছিল। তেওঁক ২০০৯ চনত ‘অসম ৰত্ন’, ২০১২ চনত তেওঁক মৰণোত্তৰভাৱে ভাৰতৰ চৰকাৰৰ দ্বিতীয় অসামৰিক সন্মান ‘পদ্মবিভূষণ’ আৰু ২০১৯ চনত মৰণোত্তৰভাৱে ভাৰত চৰকাৰৰ সৰ্বোচ্চ অসামৰিক সন্মান ‘ভাৰত ৰত্ন’ৰে সন্মানিত কৰা হৈছিল। তেওঁৰ জন্ম শদিয়াত পিতৃ নীলকান্ত হাজৰিকা আৰু মাতৃ শান্তিপ্ৰিয়া হাজৰিকাৰ ঘৰত হৈছিল। দহজন ভাতৃ-ভগ্নীৰ ভিতৰত তেওঁ জ্যেষ্ঠ আছিল। সংগীতৰ ক্ষেত্ৰত সৰ্বশ্ৰেষ্ঠ অৱদান আগবঢ়োৱা ভূপেন হাজৰিকাই মাত্ৰ ১০ বছৰ বয়সতে কেৰিয়াৰ আৰম্ভ কৰিছিল। ২০১১ চনৰ ৫ নৱেম্বৰত সংগীত জগতৰ এই নক্ষত্ৰ কালৰ বুকুত হেৰাই যায়।
