ৰাছিয়াত ছোভিয়েট যুগৰ পাৰমাণৱিক চালিত মালবাহী জাহাজত অগ্নিকাণ্ড। অৱশ্যে সোমবাৰে মস্কোৰ জৰুৰীকালীন কৰ্মীসকলে জাহাজখনত জুই নিয়ন্ত্ৰণ কৰা বুলি জানিবলৈ দিয়ে। জাহাজখন পৰিচালনা কৰা ৰাজ্যিক সংস্থাটোৱে জনোৱা মতে, কোনো লোক হতাহতি হোৱা নাই আৰু ৰিয়েক্টৰৰ সুৰক্ষাৰ প্ৰতিও কোনো ভাবুকি নাই।
জৰুৰীকালীন মন্ত্ৰালয়ে জনোৱা মতে, দেওবাৰে ছোভিয়েটত নিৰ্মিত ছেভমৰ্পুট জাহাজৰ এটা কেবিনত অগ্নিকাণ্ড সংঘটিত হয়। সম্প্ৰতি উত্তৰ ৰাছিয়াৰ মুৰ্মানস্ক চহৰত লংঘন কৰি আছে জাহাজখন। জাহাজখনৰ প্ৰায় ৩০ বৰ্গমিটাৰ এলেকাত বিয়পি পৰে এই অগ্নিকাণ্ড। অৱশ্যে কোনো ধৰণৰ হতাহতি হোৱাৰ পূৰ্বেই ইয়াক নিয়ন্ত্ৰণলৈ অনা হয়।
জাহাজৰ মালিক এটমফ্লটে ৰাছিয়াৰ পাৰমাণৱিক বৰফ ভাঙিব পৰা জাহাজৰ বহৰ পৰিচালনা কৰে। ই ৰাজ্যিক পাৰমাণৱিক নিগম ৰোজাটমৰ এটা একক।
ফিনলেণ্ড আৰু নৰৱেৰ সীমাৰেখাৰে উত্তৰ-পশ্চিম ৰাছিয়াত অৱস্থিত মুৰ্মানস্ক অঞ্চল। ৰোজাটমৰ মতে, ১৯৮৮ চনত এই জাহাজখন সেৱা আৰম্ভ কৰা হৈছিল। এদশক পূৰ্বে জাহাজখনৰ ব্যাপক উন্নীতকৰণ কৰা হৈছিল। ই ৰাছিয়াৰ একমাত্ৰ পাৰমাণৱিক চালিত বৰফ ভাঙি যোৱা পৰিবহণ জাহাজ।
