নৱবৰ্ষৰ দিৱসত জাপানত হোৱা এক প্ৰবল ভূমিকম্পৰ পাঁচ দিনৰ পাছতে এগৰাকী বৃদ্ধাক জীৱিত অৱস্থাত উদ্ধাৰ কৰা হয়, যাৰ ফলত বছৰৰ আৰম্ভণিতে জনজীৱন বিঘ্নিত হৈ পৰে। পশ্চিম অঞ্চলৰ এটা ঘৰৰ ধ্বংসাৱশেষত আবদ্ধ হৈ পৰে ৯০ বছৰীয়া মহিলাগৰাকী। পিছত উদ্ধাৰকাৰীয়ে তেওঁক জীৱিত অৱস্থাত উদ্ধাৰ কৰে। জাপানত এতিয়ালৈকে মৃত্যুৰ সংখ্যা ১২৬ জন। ভূমিকম্পৰ ফলত ন’ট’ উপদ্বীপৰ ব্যাপক ক্ষতিসাধন হয়। ৭.৬ প্ৰাবল্যৰ ভূমিকম্পৰ পিছত পাঁচ দিনতকৈ অধিক সময় ধ্বংসাৱশেষৰ তলত আবদ্ধ হৈ আছিল সুজুৰ বাসিন্দাগৰাকী। ছ’চিয়েল মিডিয়াত প্ৰচাৰিত এক ভিডিঅ’ত উদ্ধাৰ কৰ্মীয়ে বৃদ্ধাগৰাকীক উদ্ধাৰ কৰাৰ পিছত প্লাষ্টিকেৰে আবৃত কৰে, গতিকে তেওঁক স্পষ্টকৈ দেখা পোৱা নগ’ল। ইফালে উদ্ধাৰ কৰ্মীসকলে উদ্ধাৰ কামত যথেষ্ট গতি লাভ কৰিব লগা হৈছে। সেই দেশৰ প্ৰধানমন্ত্ৰীয়ে নিয়ৰ আৰু ঠাণ্ডাৰ মাজতো সাহায্য সামগ্ৰী পোৱাৰ নিৰ্দেশ দিছে। এতিয়ালৈকে মৃত্যুৰ অধিকাংশই হৈছে ৱাজিমা চহৰত।
