বেছিভাগ মানুহেই পুৱা সোনকালে গা ধুই অফিচৰ বাবে সাজু হয়। দিনটোৰ দীঘলীয়া কামৰ অন্তত ৰাতিও গা ধোৱে। গা ধোৱাটো বাবে কি সময় উত্তম?
লাইফষ্টাইল থেৰাপিষ্টসকলে এই বিষয়ে এক অধ্যয়ন কৰিছে।
সমীক্ষাত দেখা গৈছে যে ৰাতিপুৱা বহুতেই গা ধোৱে। দিনটো এটা উদ্দেশ্যেৰে আৰম্ভ কৰাটো স্বাভাৱিক। আনহাতে ৰাতি গা ধুলেও গোটেই দিনটোৰ ভাগৰ আঁতৰি যায়। আমি সকলোৱে জানো যে পৰ্যাপ্ত টোপনি সামগ্ৰিক মংগলৰ বাবে কিমান উপকাৰী। ৰাতি আমাৰ শৰীৰৰ প্ৰাকৃতিক চাৰ্কেডিয়ান ছন্দই স্বাভাৱিকতে মূল উষ্ণতা হ্ৰাস কৰে। এই উষ্ণতা হ্ৰাসে আমাৰ মগজুলৈ এটা সংকেত প্ৰেৰণ কৰে – শুবলৈ সময় আহিছে বুলি। ঠিক তেনেকৈয়ে ৰাতিপুৱা হ’লে শৰীৰে বাৰ্তাটো পায় – এতিয়া সাৰ পোৱাৰ সময় বুলি । ৰাতি গা ধুলে শৰীৰৰ মূল উষ্ণতা হ্ৰাস পায় আৰু টোপনি ভাল হয়। শুই উঠাৰ ৩০ মিনিট আগতে ঠাণ্ডা গা ধোৱাটো উপকাৰী । ঠাণ্ডা উষ্ণতাই শৰীৰৰ মেদবহুল কলা সক্ৰিয় কৰে, যিয়ে ভালদৰে টোপনি অহাত সহায় কৰে। কেৱল সেয়াই নহয়, ৰাতি গা ধুলে ছালৰ সকলো মলি ধুই পেলোৱা হয়। দিনটোৰ সকলো প্ৰদূষণ, প্ৰাকৃতিকভাৱে নিৰ্গত হোৱা তেল আঁতৰাই শৰীৰে শান্ত অনুভৱ কৰে। যিয়ে আপোনাক ভালকৈ শুবলৈ সহায় কৰিব পাৰে।
গৱেষকসকলে লক্ষ্য কৰিছে যে ঠাণ্ডা পানীত গা ধুলে কৰ্টিছলৰ মাত্ৰা সলনি হয়। যাৰ ফলত বহুগুণে মানসিক চাপ বৃদ্ধি পায়।
