দৰং জিলাৰ ধূলা থানাৰ অন্তৰ্গত হিৰাপাৰা মাদ্ৰাছা দাৰুল হাদিছত প্ৰত্যেক বছৰৰ দৰে এই বছৰো আজি তাহাজিবুল বায়ানৰ উদ্যোগত ৰাতিপুৱা ৯ বজাৰ পৰা বিভিন্ন শিক্ষামূলক প্ৰতিযোগিতা আৰু কোৰান হাদিছৰ তাকৰীৰসহ দিনজোৰা কাৰ্যসূচীৰে মাদ্ৰাছা প্ৰাঙ্গনত আখেৰী আনজুমান কাৰ্যসূচী অনুষ্ঠিত কৰে। ৰাতিপুৱা ৯ বজাৰ পৰা কেৰাত,গজল, অসমীয়া বক্তৃতা, বাংলা বক্তৃতা, উৰ্দু বক্তৃতা, আৰবী বক্তৃতা, ইংৰাজী বক্তৃতা আদি প্ৰতিযোগিতা অনুষ্ঠিত কৰে মাদ্ৰাছা ছাত্র সকলৰ মাজত। আবেলি ২ বজাত কুইজ প্ৰতিযোগিতা সমাপ্ত কৰি বঁটা বিতৰণী অনুষ্ঠিত কৰে। বিভিন্ন শিক্ষামূলক প্ৰতিযোগিতাৰ লগতে সমাজত চলি থকা বিভিন্ন ধৰণৰ কু- সংস্কাৰ নিৰ্মূল কৰিবলৈ আলোচনা কৰে আমন্ত্রিত অতিথি সকলে। মাদ্ৰাছাখনিত ধৰ্মীয় শিক্ষাৰ লগতে স্কুলীয়া শিক্ষাৰ সু ব্যবস্থা আছে বুলি জানিবলৈ দিয়ে।
খাৰুপেটীয়াৰ পৰা ৰফিকুল হকৰ ৰিপ’ৰ্ট