জন্মসূত্ৰে তেওঁ কানাডাৰ নাগৰিক। কিন্তু নৃত্য শৈলীৰ ক্ষেত্ৰত ভাৰতত তেওঁৰ জনপ্ৰিয়তা আকাশলংঘী হৈছে। তেওঁৰ নৃত্য ভিডিঅ’ তেওঁৰ অনুৰাগীৰ অন্যতম আকৰ্ষণ। ছ’চিয়েল মিডিয়াত তেওঁৰ ফ’ল’ৱাৰৰ সংখ্যা প্ৰায় ৭ কোটি! শেহতীয়াকৈ বলীউডত ১০ বছৰীয়া কেৰিয়াৰ সম্পূৰ্ণ কৰিলে নৃত্যশিল্পী-অভিনেত্ৰী নোৰা ফাতেহীয়ে।
শেহতীয়াকৈ দিয়া এক সাক্ষাৎকাৰত নোৰাই নিজৰ কেৰিয়াৰৰ প্ৰথম দিনবোৰৰ কথা কয়। অভিনেত্ৰীগৰাকীয়ে কয় যে তেওঁ মাত্ৰ ৫ হাজাৰ টকা লৈ এই দেশলৈ আহিছিল। আগতে তেওঁ মুম্বাইত ৯ গৰাকী মহিলাৰ সৈতে এটা ফ্লেট শ্বেয়াৰ কৰিছিল। নৃত্যশিল্পীগৰাকীয়ে এই অভিজ্ঞতা বৰ সুখকৰ নাছিল বুলিও প্ৰকাশ কৰে। নোৰাই কয়, “তেতিয়া মই ১ হাজাৰ ডলাৰ (আমেৰিকা)ৰ মূল্য বুজি পোৱা নাছিলো। ৯ গৰাকী ‘পাগল’ ছোৱালীৰ সৈতে তিনিটা কোঠাৰ ফ্লেটত থাকি নিজকে ক’ৰ পৰা ক’লৈ আহিলো বুলি ভাবিছিলো।