পণবন্দী এলাদ কাট্জিৰৰ মৃতদেহ হামাছে উদ্ধাৰ কৰাৰ পিছত টেল আভিভ আৰু ইজৰাইলৰ অন্যান্য চহৰত পুনৰ চৰকাৰ বিৰোধী প্ৰতিবাদ আৰম্ভ হয়। পণবন্দী-মুক্তি-চুক্তি আৰু চৰকাৰৰ পদত্যাগৰ দাবীত টেল আভিভত প্ৰায় এক লাখ লোক সমবেত হয়।শনিবাৰে ইজৰাইলৰ প্ৰতিৰক্ষা বাহিনীয়ে গাজাৰ পৰা এলাডৰ মৃতদেহ উদ্ধাৰ কৰে। ইজৰাইল চৰকাৰে গাজাত হামাছৰ হাতত থকা প্ৰায় ১৩০ জন পণবন্দীক মুক্ত কৰাত ব্যৰ্থ হোৱাত প্ৰতিবাদকাৰীসকলে ক্ষোভ প্ৰকাশ কৰে। চৰকাৰ বিৰোধী এই প্ৰতিবাদকাৰীসকলৰ লগত পণবন্দীসকলৰ পৰিয়ালৰ লোকেও যোগদান কৰে। ইজৰাইলৰ প্ৰায় ৫০টা স্থানত সমবেত হয় বিক্ষোভকাৰী। আনহাতে, হামাছৰ সামৰিক বাহিনী কাছাম ব্ৰিগেডে যোৱা কেইঘণ্টামানৰ ভিতৰত সংঘৰ্ষত কমেও ১৪ জন ইজৰাইল সৈনিকক হত্যা কৰা বুলি দাবী কৰে। ইজৰাইলৰ সৈতে চহৰৰ সীমান্তত খান ইউনিছৰ আক্ৰমণত ইজৰাইলৰ ৯ জন সৈন্য নিহত হোৱা বুলিও তেওঁলোকে দাবী কৰে। অৱশ্যে ইজৰাইলে এই সন্দৰ্ভত কোনো মন্তব্য কৰা নাই। অৱশ্যে তেওঁলোকে জনোৱা মতে, শনিবাৰে মধ্য গাজাত ৪০১ নং ব্ৰিগেডৰ ৪৬ নং বেটেলিয়নৰ দুজন জোৱান গুৰুতৰভাৱে আহত হয়। জৱানক চিকিৎসাৰ বাবে উলিয়াই আনি পৰিয়ালক অৱগত কৰা হৈছে। গাজাৰ পূব অঞ্চল খান ইউনিছ আৰু ইয়াৰ আশে-পাশে ইজৰাইলী বাহিনীৰ সৈতে হামাছে তীব্ৰ যুঁজ দি আছে।
