গৰম যিমানেই নহওক কামৰ বাবে ওলাই যাবলগীয়া হ’বই, তেন্তে লগত কেইটামান অত্যাৱশ্যকীয় বস্তু ৰাখক-
ছানস্ক্ৰীণ
ছাল সুৰক্ষাৰ বাবে ছানস্ক্ৰীণ ব্যৱহাৰ কৰিব লাগে। কেৱল গ্ৰীষ্মকালতে নহয় প্ৰতিটো ঋতুতে ছানস্ক্ৰীণ অতি প্ৰয়োজনীয়। বাহিৰলৈ ওলোৱাৰ আগতে প্ৰতিদিনে ছানস্ক্ৰীণ ব্যৱহাৰ কৰক, আনকি ঘৰৰ ভিতৰত থাকিলেও কৰক। বাহিৰলৈ ওলাই যাওঁতে ছানস্ক্ৰীণ লগত লৈ যাব, ২-৩ ঘণ্টাৰ মূৰে মূৰে ছানস্ক্ৰীণ লগাব। ছানস্ক্ৰীনে আপোনাক ক্ষতিকাৰক UV ৰশ্মি, টেনিং আৰু ৰ’দত পোৰাৰ পৰা ৰক্ষা কৰে।
ছানগ্লাছ
প্ৰবল সূৰ্যৰ পোহৰৰ পৰা চকুক ৰক্ষা কৰিবলৈ ছানগ্লাছ ব্যৱহাৰ কৰক। কঠোৰ সূৰ্যৰ পোহৰে চকুৰ বিষ, চকু পানী ওলোৱা আৰু বহুতো হ’ব পাৰে।
পানী
গৰমত আমাৰ পিয়াহ লাগে। বাহিৰৰ শুকান বতাহ নাক আৰু মুখেৰে শৰীৰত প্ৰৱেশ কৰিলে ডিঙি আৰু বুকু শুকান হৈ পৰে। তেতিয়া বহুত পানী খোৱা উচিত। জলীয় বাষ্পৰ যোগেদি যেতিয়া পানী শৰীৰৰ পৰা ওলাই যায় তেতিয়া শৰীৰ সুস্থ হৈ থাকে। ৰ’দত ওলাই গ’লে পানীৰ বটল এটা নিশ্চয় লগত লৈ আহিব। পাৰিলে তাত নিমখ-চেনি আৰু নেমুৰ ৰস মিহলাই লওক।
পৰ্টেবল ফেন
সৰু পৰ্টেবল ফেন বা হাতেৰে ধৰিব পৰা ফেনে গুৰুতৰভাৱে ছাল পোৰা ৰোধ কৰাত সহায় কৰিব পাৰে। যিহেতু প্ৰতিদিনে তাপমাত্ৰা বাঢ়িছে, সেয়েহে আমি শীতল হৈ থকাটো অতি প্ৰয়োজনীয়। ভাঁজ কৰা হেণ্ড ফেন বেগত ৰাখিবলৈ সুবিধাজনক। যিকোনো ঠাইতে ব্যৱহাৰ কৰাত সহজ।
সুগন্ধি
ৰাজহুৱা স্থানলৈ ওলাই গ’লে আমাৰ কোনোৱেই বেয়া গোন্ধ পাব নিবিচাৰে। গৰমৰ দিনত আমি বহুত ঘামচি ওলায়। ফলত শৰীৰত প্ৰায়ে ঘামৰ গোন্ধ ওলায়। বাহিৰলৈ ওলাই যাওঁতে শৰীৰ বা কাপোৰত সুগন্ধি স্প্ৰে’ কৰিব লাগে। কাপোৰ বা শৰীৰত সুগন্ধি স্প্ৰে কৰিলে শৰীৰ আৰু মন সুস্থ হৈ থাকে।
টুপী আৰু ছাতি
ৰ’দৰ প্ৰচণ্ড তাপৰ পৰা নিজকে ৰক্ষা কৰিবলৈ সেইবোৰ নিশ্চয়কৈ লগত ৰাখিব। ৰ’দৰ তীব্ৰ ৰশ্মিয়ে আপোনাক ছানষ্ট্ৰ’ক, মূৰৰ বিষ, ভাগৰুৱা কৰিব পাৰে। টুপী আৰু ছাতিয়ে আপোনাৰ মূৰ আৰু শৰীৰক সুৰক্ষা দিব পাৰে।
টিছু বা ৰুমাল
গৰমৰ ফলত আমাৰ শৰীৰত ঘামচি ওলায়। এই পানী কেতিয়াবা ধূলিৰ লগত মিহলি হৈ চেচেটত পিছল পদাৰ্থ গঠন কৰে। তাৰ পিছত টিছু বা ৰুমালেৰে শৰীৰৰ ঘাম পৰিষ্কাৰ কৰিব পাৰে। সৰু কথা যদিও গ্ৰীষ্মকালত অতি প্ৰয়োজনীয়।