অষ্ট্ৰেলিয়াৰ মেলবৰ্ণৰ সমীপৰ এখন হাঁহৰ পামত ধৰা পৰিছে এভিয়ান ইনফ্লুৱেঞ্জা। কিন্তু কৰ্তৃপক্ষই কয় যে হাঁহ আৰু কুকুৰাৰ কণী আৰু গো-মাংস খোৱাত কোনো বিপদ নাই। এই কথা স্পষ্ট কৰিছে অষ্ট্ৰেলিয়াৰ ভিক্টোৰিয়া চৰকাৰে। চাৰিখন হাঁহ-কুকুৰা পামত H7N3 ষ্ট্ৰেইন আৰু প্ৰায় ১৩০ কিলোমিটাৰ দক্ষিণ-পশ্চিমে থকা এখন হাঁহ-কুকুৰা পামত H7N9 ষ্ট্ৰেইন পোৱা গৈছে। এইচ ৫এন১ বা বাৰ্ড ফ্লু ভাইৰাছৰ H5N1 ষ্ট্ৰেইনটোৱে সমগ্ৰ বিশ্বৰ লাখ লাখ বন্য আৰু খেতিপথাৰৰ প্ৰাণী আক্ৰান্ত কৰিছে। ইয়াৰ ফলত খাদ্য যোগান বিপদত পৰিছে আৰু মানুহৰ মাজত ক’ৰ’না ভাইৰাছৰ সংক্ৰমণৰ আশংকা বৃদ্ধি পাইছে। ভিক্টোৰিয়াৰ কৃষি বিভাগে জনোৱা মতে, বাণিজ্যিক হাঁহৰ পামত কৰা পৰীক্ষাত এই ভাইৰাছৰ অতি সংক্ৰামক H7N3 ষ্ট্ৰেইনৰ উপস্থিতি নিশ্চিত কৰা হৈছে। অষ্ট্ৰেলিয়াৰ কেন্দ্ৰীয় কৃষি মন্ত্ৰী মাৰে ৱাটে কয় যে অষ্ট্ৰেলিয়াত ২ কোটিৰ পৰা ২ কোটি ২০ লাখ পোৱালি দিয়া কুকুৰা আছে। ভাইৰাছ সংক্ৰমিত পামত এক লাখ কুকুৰাৰ মৃত্যু হ’ব পাৰে।