এতিয়া গৰম হৈ আছে ব্ৰিটেইন। নিৰ্বাচনলৈ মাজত মাত্ৰ তিনিদিন। প্ৰধান প্ৰতিদ্বন্দ্বী দল দুটা লেবাৰ পাৰ্টি আৰু কনজাৰ্ভেটিভ পাৰ্টি (ট’ৰী)য়ে তীব্ৰ প্ৰচাৰ চলাইছে। কিন্তু মতামতৰ সমীক্ষাত দেখা গৈছে যে ৭২ শতাংশ ব্ৰিটিছে এতিয়া ঋষি সুনকক প্ৰধানমন্ত্ৰী হিচাপে নিবিচাৰে। এই নিৰ্বাচনত ট’ৰীয়ে কেৱল পৰাস্ত হোৱাই নহয়, প্ৰকৃততে মুখ ঠেকেচা খাব বুলিও আশংকা কৰা হৈছে।
সমীক্ষাত লেবাৰৰ ৪০ শতাংশ, ট’ৰী দলৰ ২০ শতাংশ আৰু নাইজেল ফেৰাজৰ কঠোৰপন্থী ৰিফৰ্ম ইউ কেৰ ১৬ শতাংশ ভোট লাভৰ সম্ভাৱনা। সুনক পত্নী অক্ষতাৰ সৈতে নেছডেনৰ স্বামীনাৰায়ণ মন্দিৰত পূজা কৰিবলৈ গৈছিল। সমগ্ৰ অভিযানত তেওঁ হিন্দু ধৰ্মৰ প্ৰতি আস্থা প্ৰকাশ কৰে। কিন্তু নিৰ্বাচনৰ ফলাফল যিয়েই নহওক কিয়, তেওঁ কৰ্মত বিশ্বাস কৰে। বহুতে কয় যে নিজৰ দলটোৱেও সুনকৰ ওপৰত ইমান নিৰ্ভৰ কৰিব নোৱাৰে। এই অৱস্থাত একমাত্ৰ ‘ভগৱানৰ ওপৰত আস্থা’ সুনক।
