চীনৰ সৈতে অব্যাহত থকা সীমা বিবাদৰ মাজতে ভাৰতৰ কেন্দ্ৰীয় চৰকাৰে উত্তৰ-পূব ৰাজ্য অৰুণাচলত ১২টা জলবিদ্যুৎ কেন্দ্ৰ নিৰ্মাণৰ কাম আৰম্ভ কৰিছে। ইয়াৰ বাবে ভাৰতে প্ৰায় ১ বিলিয়ন ডলাৰ ব্যয় কৰাৰ পৰিকল্পনা কৰিছে।
ভাৰতে বিদ্যুৎ কেন্দ্ৰ নিৰ্মাণৰ সিদ্ধান্ত লোৱা অঞ্চলটোক দক্ষিণ তিব্বত বুলি দাবী কৰি আহিছে চীনে। ফলত ভাৰতৰ এনে কাৰ্যই দুয়োখন দেশৰ মাজত পুনৰ উত্তেজনা বৃদ্ধি কৰিব পাৰে বুলি আশংকা কৰা হৈছে।
ইতিমধ্যে চীনে ভাৰতক তীব্ৰ প্ৰতিক্ৰিয়া প্ৰকাশ কৰিছে। চীনে দক্ষিণ তিব্বত বুলি কোৱা ঠাইখনত উন্নয়নৰ কাম কৰাৰ কোনো অধিকাৰ নাই বুলি চীনৰ বৈদেশিক মন্ত্ৰালয়ে কয়। চীনৰ বৈদেশিক মন্ত্ৰালয়ৰ মুখপাত্ৰই এক বিবৃতিত কয় যে দক্ষিণ তিব্বত চীনৰ ভূখণ্ড।
আনহাতে ভাৰত চৰকাৰৰ বিষয়াসকলে কয় যে শেহতীয়াকৈ কেন্দ্ৰীয় বিত্তমন্ত্ৰী নিৰ্মলা সীতাৰমণে দেশৰ উত্তৰ-পশ্চিম অঞ্চলৰ প্ৰতিটো জলবিদ্যুৎ প্ৰকল্পৰ বাবে ৭৫০ কোটি টকা অনুমোদন জনাইছে। আৰু এই প্ৰকল্পৰ অধীনত অৰুণাচলত ১২টা বিদ্যুৎ কেন্দ্ৰ নিৰ্মাণৰ বাবে প্ৰায় ৯ হাজাৰ কোটি টকা অনুমোদন দিয়া হৈছে।
সূত্ৰসমূহে জনোৱা মতে, উত্তৰ-পূবৰ আন ৰাজ্যসমূহেও এই প্ৰকল্পত অংশগ্ৰহণ কৰি উৎপাদিত বিদ্যুতৰ পৰা লাভৱান হ’ব পাৰে। ২৩ জুলাইত ভাৰতীয় লোকসভাত গৃহীত হ’বলগীয়া ২০২৪-২৫ বিত্তীয় বৰ্ষৰ বাজেটত এই প্ৰকল্পসমূহৰ বাজেট আবণ্টন দিব পাৰে।
ভাৰত আৰু চীনৰ সীমান্ত ২৫০০ কিলোমিটাৰতকৈও অধিক, ইয়াৰে অধিকাংশই অচিহ্নিত। ১৯৬২ চনত এই সীমান্তক লৈ দুয়োখন দেশৰ মাজত যুদ্ধ হৈছিল।
