ভাৰতৰ আটাইতকৈ ধনী ব্যক্তি তথা বিশ্বৰ অন্যতম ধনী ব্যক্তি মুকেশ আম্বানীৰ কনিষ্ঠ পুত্ৰ অনন্ত আম্বানীয়ে শুকুৰবাৰে (১২ জুলাই) বিবাহপাশত আবদ্ধ হয়। দীৰ্ঘদিনীয়া প্ৰেমিকা ৰাধিকা মাৰ্চেণ্টৰ সৈতে বিবাহপাশত আবদ্ধ হয় অনন্ত আম্বানীয়ে। ভাৰতৰ আটাইতকৈ দামী বিয়া হিচাপে নামাকৰণ কৰা এই মহান অনুষ্ঠানত বিশ্বৰ বিভিন্ন প্ৰান্তৰ বিখ্যাত ব্যক্তিসকল উপস্থিত আছিল। বলীউডৰ পৰা হলিউডলৈকে সকলো ছুপাৰষ্টাৰেই বিয়াত উপস্থিত হৈছিল।
আম্বানী পৰিয়ালে বিয়াখনকলৈ যথেষ্ট কষ্ট কৰিছে। নিমন্ত্ৰিত অতিথিসকলৰ মনোৰঞ্জনত কোনো অভাৱ নেৰাখিলে। বিশেষ অনুষ্ঠানৰ অতিথিসকলৰ বাবেও বিশেষ উপহাৰ ৰখা হয়। ইয়াৰে শ্বাহৰুখে লৈ আহিছে বিশেষ সংস্কৰণৰ ঘড়ী যাৰ মূল্য ২ কোটিতকৈ অধিক!
দ্য ইণ্ডিয়ান এক্সপ্ৰেছত প্ৰকাশিত এক বাতৰি অনুসৰি অনন্ত আম্বানীয়ে তেওঁৰ বিয়াত উপস্থিত থকা বন্ধু-বান্ধৱীক দুই কোটি টকাৰ বিলাসী ঘড়ী উপহাৰ দিয়ে।
ৰেডিটৰ এটা পোষ্টত প্ৰকাশ পাইছে যে অনন্তই ৰয়েল অক পাৰ্পেচুৱেলৰ কেলেণ্ডাৰ লুমিনেয়াৰ এডিচন নামেৰে জনাজাত ২৫টা সীমিত সংস্কৰণৰ অ’ডেমাৰ্ছ পিগুৱেট টাইমপিছ ক্ৰয় কৰিছে। আৰু ভাগ্যৱান প্ৰাপকসকলৰ ভিতৰত আছে বিখ্যাত ব্যক্তি শ্বাহৰুখ খান, ৰণবীৰ সিং। জানহৱী কাপুৰৰ প্ৰেমিক শিখৰ পাহাৰিয়া, বীৰ পাহাৰিয়া আৰু মীজান জাফ্ৰিয়ে এই ঘড়ীটো লাভ কৰে। ২৫ জনৰ বাবে মুঠ ৫০ কোটি মূল্যৰ ঘড়ী ক্ৰয় কৰা হৈছে।
জনা যায় যে ১৮ কেৰেটৰ গোলাপ সোণেৰে নিৰ্মিত এই ঘড়ীটো ক্ৰয় কৰিবলৈ আম্বানীসকলে প্ৰায় ৫০ কোটি টকা খৰচ কৰিছিল। যদিও তেওঁলোকৰ বাবে এই অৰ্থ নামমাত্ৰ।
ভাৰতীয় ব্যৱসায়িক টাইকুন তথা ৰিলায়েন্স ইণ্ডাষ্ট্ৰীজৰ অধ্যক্ষ মুকেশ আম্বানীৰ কনিষ্ঠ পুত্ৰ অনন্ত আম্বানীৰ ঘড়ীৰ প্ৰতি সদায় এটা বিশেষ দুৰ্বলতা আছে। পেটেক ফিলিপৰ পৰা আৰম্ভ কৰি ৰিচাৰ্ড মিলৰ সংগ্ৰহলৈকে তেওঁৰ হাতত সকলো আছে। কিছুদিন পূৰ্বে অনন্তৰ হাতত ১ কোটি ২৫ লাখ টকাৰ ৰিচাৰ্ড মিল ব্ৰেণ্ডৰ ঘড়ী দেখা গৈছিল যিটো ভাইৰেল হৈছিল।
অনন্ত-ৰাধিকাৰ বিয়াত বিভিন্ন দেশৰ প্ৰাক্তন প্ৰধানমন্ত্ৰী, ৰাজনীতিবিদ, কূটনীতিবিদ আৰু আন্তঃৰাষ্ট্ৰীয় ক্ষেত্ৰৰ শীৰ্ষ ব্যৱসায়ীসকল উপস্থিত থাকে। হলিউড-বলিউড আৰু ক্ৰীড়া তাৰকাও উপস্থিত আছিল। ১২ জুলাইত সংঘটিত হৈছিল এই বিবাহ। ১৩ জুলাইত নৱবিবাহিত দম্পতীৰ আশীৰ্বাদ অনুষ্ঠান অনুষ্ঠিত হোৱাৰ লগতে আজি (১৪ জুলাই) এই ভয়ংকৰ অভ্যৰ্থনা অনুষ্ঠান অনুষ্ঠিত হ’ব।