আজি ১৪ নৱেম্বৰ। আজি ভাৰতৰ প্ৰধানমন্ত্ৰী জৱহৰলাল নেহেৰুৰ জন্মদিন অৰ্থাৎ আজিৰ দিনটো সমগ্ৰ ভাৰতবৰ্ষতে শিশু দিৱস হিচাপে পালন কৰা হয়। সমান্তৰালভাৱে চলি আছে খেল মহাৰাণ। খেল মহাৰণক লৈ উখল-মাখল পৰিৱেশ বিৰাজ কৰিছে সমগ্ৰ বৰক্ষেত্ৰীত। উল্লেখ্য যে জয়সাগৰস্থিত স্থানীয় শঙ্কৰ মাধৱ হাইস্কুল, জয়সাগৰ ছিনিয়ৰ বেছিক স্কুল, জনকল্যাণ জাতীয় বিদ্যালয়, বৰক্ষেত্ৰী পকোৱা এম ই স্কুলত দেখা গ’ল ব্যতিক্ৰমী পৰিৱেশ। জনকল্যাণ জাতীয় বিদ্যালয়ৰ ছাত্ৰ-ছাত্ৰীসকলে সমদল কৰি খেল খেলিবলৈ গ’ল বৰক্ষেত্ৰী পকোৱা মিলন এম ই স্কুললৈ। আনহাতে জয়সাগৰ ছিনিয়ৰ বেছিক স্কুলৰ ছাত্ৰ-ছাত্ৰীসকল আহিল স্থানীয় শঙ্কৰ মাধৱ হাইস্কুললৈ। উল্লেখ্য যে খেল মহাৰণৰ ফলতেই এখন বিদ্যালয়ৰ ছাত্ৰ ছাত্ৰী আন এখন বিদ্যালয়লৈ গৈ বিভিন্ন ধৰণৰ শাৰীৰিক উৎকৰ্ষ সাধন কৰা খেলত অংশগ্ৰহন কৰিবলৈ সক্ষম হৈছে।