ৰাষ্ট্ৰীয় অনুসন্ধান সংস্থাই (এনআইএ) উদয়পুৰ গোচৰৰ মূল অভিযুক্ত দুজনক জিম্মাত লৈছে।
এন আই এৰ এটা দলে শনিবাৰে ৰাজস্থানৰ আজমেৰৰ উচ্চ সুৰক্ষা কাৰাগাৰৰ পৰা মুহাম্মাদ ৰিয়াজ আৰু ঘুছে মুহাম্মাদক জিম্মাত লৈছে। তেওঁলোকক কঠোৰ নিৰাপত্তাৰ সৈতে আন ঠাইলৈ স্থানান্তৰ কৰা হৈছে আৰু আজি আদালতত হাজিৰ কৰা হ’ব। ইফালে, চোৰাংচোৱা সূত্ৰই জনোৱা অনুসৰি, এই জঘন্য কাৰ্য্যত ছলমান হায়দৰ আৰু আবু ইব্ৰাহিম নামৰ দুজন পাকিস্তানী উগ্ৰপন্থীয়ে লোক দুজনক “অনুপ্ৰাণিত” কৰিছিল।নুপুৰ শৰ্মাৰ মন্তব্যৰ পিছৰে পৰা, দুজন পাকিস্তানী উগ্ৰপন্থীয়ে ৰিয়াজ আৰু ঘুছেক “ডাঙৰ” আক্ৰমণ কৰিবলৈ উদগনি দি আহিছে। ৰিয়াজ আৰু ঘুছে মঙলবাৰে পেছাত এজন দৰ্জী কানহাইয়া লালৰ মূৰটো কাটি পেলাইছিল। তেওঁলোকে ছচিয়েল মিডিয়াত শিৰচ্ছেদৰ নাৰকীয় দৃশ্য পোষ্ট কৰি হত্যাৰ দায়িত্ব স্বীকাৰ কৰিছিল। তাৰ পিছত তেওঁলোকক ৰাজচামান্দৰ পৰা গ্ৰেপ্তাৰ কৰা হৈছিল। দুয়োজনেই পাকিস্তানৰ ধৰ্মীয় সংগঠন দাৱাত-ই-ইছলামীৰ সৈতে সম্পৰ্ক ৰখা বুলি জানিব পৰা গৈছে ।
