আকাশৰ মাজত সহযাত্ৰীসকলৰ ওপৰত প্ৰস্ৰাৱ কৰা! সমগ্ৰ ঘটনাটো জানিও অভিযুক্তৰ বিৰুদ্ধে ততাতৈয়াকৈ কোনো ব্যৱস্থা গ্ৰহণ কৰা নাছিল এয়াৰ ইণ্ডিয়াই। বৰঞ্চ কাৰ্যতঃ সমগ্ৰ বিষয়টো ঢাকি ৰখাৰ প্ৰয়াস কৰা হ’ল। এইবাৰ অসামৰিক বিমান পৰিবহণ সঞ্চালকালয়ে সেই ‘অপৰাধ’ৰ বাবে বিমান সংস্থাটোক ৩০ লাখ টকাৰ জৰিমনা বিহিলে।
কেৱল বিমান সংস্থাটোক জৰিমনা বিহাই নহয়, নিয়ম উলংঘা কৰাৰ বাবে মুখ্য পাইলটৰ অনুজ্ঞাপত্ৰও নিলম্বিত কৰা হৈছে। ১৪১ নং বিমান আইন উলংঘা কৰাৰ বাবে তেওঁক তিনি মাহৰ বাবে বিতাড়িত কৰা হয়। তদুপৰি বিমান সেৱা আগবঢ়াবলৈ তাত থকা কৰ্মচাৰীসকলৰ সঞ্চালককো ৩ লাখ টকা জৰিমনা বিহা হয়। কামটো সঠিকভাৱে কৰিব নোৱাৰাৰ বাবে জৰিমনা বিহা হৈছিল।
২৬ নৱেম্বৰত নিউয়ৰ্কৰ পৰা এয়াৰ ইণ্ডিয়াৰ বিমানেৰে দিল্লীলৈ উভতি অহাৰ সময়ত অভিযুক্ত শংকৰ মিশ্ৰই এগৰাকী ৭০ বছৰীয়া মহিলাৰ ওপৰত প্ৰস্ৰাৱ কৰিছিল। অভিযোগ অনুসৰি বিমানখনৰ বিজনেছ ক্লাছত হঠাতে তেওঁৰ ওপৰত প্ৰস্ৰাৱ কৰে লোকজনে। অধিকাংশ যাত্ৰী শুই থকাৰ বাবে ঘটনাটো লক্ষ্যহীন হৈ পৰে। এই ঘটনাৰ বিষয়ে বিমান পৰিচাৰকসকলক জনোৱাত তেওঁলোকে বুঢ়ীগৰাকীক পৰিষ্কাৰ কাপোৰ পিন্ধি শুবলৈ নিৰ্দেশ দিলে। বুঢ়ীক এই বিষয়ত মুখ মেলিব নালাগে বুলিও কোৱা হ’ল। উল্লেখ্য যে যোৱা ৬ জানুৱাৰীত বৃদ্ধাগৰাকীৰ অভিযোগত শংকৰক গ্ৰেপ্তাৰ কৰা হৈছিল। বৰ্তমান তেওঁ ন্যায়িক জিম্মাত আছে।
