নিউজ ডেস্ক, ১৪ অক্টোবৰঃ আজি এদিনীয়া বিশ্ব কাপত পাকিস্তানৰ মুখামুখি হ’ব টীম ইণ্ডিয়া। আহমেদাবাদৰ নৰেন্দ্ৰ মোদী ষ্টেডিয়ামত বিশ্বকাপৰ ১৪ নং মেচত সমুখসমৰত দুই চিৰ প্রতিদ্বন্দ্বী। বিয়লি ২ বজাৰ পৰা বহু প্ৰত্যাশিত ভাৰত-পাকিস্তানৰ ক্ৰিকেট মেচখন আৰম্ভ হ’ব।
প্ৰায় ১ লাখ ৩০ হাজাৰ ক্ৰিকেট অনুৰাগীৰ সমাগমৰে ভৰি পৰিব আহমেদাবাদৰ নৰেন্দ্ৰ মোদী ক্ৰিকেট ষ্টেডিয়াম। নিৰাপত্তাৰ দিশতো অধিক গুৰুত্ব দিছে ICC আৰু BCCIয়ে।
মেচখনৰ বাবে উৎকণ্ঠা বাঢ়িছে ক্ৰিকেট অনুৰাগীৰ। হাই-ভল্টেজ মেচখনৰ বাবে দেশৰ বিভিন্ন স্থানৰ পৰা আহমেদাবাদত উপস্থিত হৈছে অনুৰাগীসকল।
Comments are closed, but trackbacks and pingbacks are open.