এইবাৰ ইজৰাইল সেনাই হতাহতিৰ আপডেট তথ্য দিলে। দেশখনে প্ৰদান কৰা তথ্য অনুসৰি যোৱা বছৰৰ ৭ অক্টোবৰত ইজৰাইলৰ ওপৰত হামাছৰ আক্ৰমণৰ পিছত দেশখনৰ ৫৭৪ জন জোৱান নিহত হৈছে।
সোমবাৰে প্ৰকাশ পোৱা এই তথ্য অনুসৰি গাজাত স্থল অভিযানত এতিয়ালৈকে ২৩৬ জন ইজৰাইলী জোৱান নিহত হৈছে।
ইজৰাইলী সেনাই লগতে কয় যে এই পৰ্যন্ত প্ৰায় ৩ হাজাৰ ইজৰাইলী সৈনিক আহত হৈছে। গাজাত স্থল অভিযানৰ সময়ত প্ৰতিৰোধ যোদ্ধাৰ আক্ৰমণত ইয়াৰে প্ৰায় ১৪০০ লোক আহত হয়। ইয়াৰে ৭২৩ জনৰ অৱস্থা সংকটজনক।
ইয়াৰ উপৰিও বিভিন্ন দুৰ্ঘটনাত ৫৪৫ জন ইজৰাইল জোৱান আহত হয়। ইয়াৰ ভিতৰত সামৰিক বিমান দুৰ্ঘটনাও আছে। সামৰিক সঁজুলিৰ বিসংগতিৰ ফলত আঘাত। কেতিয়াবা আত্মহত্যাৰ ঘটনাও দেখা যায়।
ইজৰাইল সেনাই দাবী কৰিছে যে বৰ্তমান ৩৩৯ জন জোৱান আহত হোৱাৰ বাবে চিকিৎসাধীন হৈ আছে।
