যদি আপুনি ভাবে যে কৰ’না শেষ হৈছে, তেন্তে আপুনি সম্পূৰ্ণ ভুল। কাৰণ কৰ’না মহামাৰী পুনৰ বিয়পি পৰিছে বিশ্বত। আৰু যদি আপুনি সাৱধানতা অৱলম্বন নকৰে তেন্তে ঘটনাবোৰ আগৰ দৰেই একেই হ’ব পাৰে। বিশেষকৈ ইউৰোপত, সংক্ৰমণৰ ঘটনা বৃদ্ধি পাইছে। বিশ্ব স্বাস্থ্য সংস্থাই উদ্বেগ প্ৰকাশ কৰিছে যে ইউৰোপ হৈছে বিশ্বৰ অন্যতম মুখ্য ক্ষেত্ৰ য’ত যোৱা সপ্তাহত কৰ’না ভাইৰাছ, ৰোগী আৰু সংক্ৰমণত মৃত্যুৰ সংখ্যা বৃদ্ধি পাইছে।
৫৩ খন দেশত বৃদ্ধি পাইছে পুনৰ
বিশ্ব স্বাস্থ্য সংস্থাই মহামাৰী সন্দৰ্ভত ইয়াৰ সাপ্তাহিক প্ৰতিবেদনত কৈছিল যে ৫৩ খন ইউৰোপীয় দেশত কৰ’নাৰ ঘটনা বৃদ্ধি পাইছে। ইউৰোপত এই সংক্ৰমণৰ ফলত হোৱা মৃত্যুৰ হাৰও ১৪ শতাংশ বৃদ্ধি পাইছে। মুঠ ১.৬ নিযুত নতুন ঘটনা পোৱা গৈছে আৰু ২১ ,০০০ ৰো অধিক মৃত্যু হৈছে। প্ৰতিবেদনত কোৱা হৈছে যে যোৱা সাত দিনত ইয়াত ৫,১৩,০০০ নতুন কৰ’না সংক্ৰমণৰ ঘটনা পোৱা গৈছে।
