ভাৰতৰ দুই বেটছমেন লোকেশ ৰাহুল আৰু সূৰ্যকুমাৰ যাদৱে আইচিচি টি-২০ ৰেংকিঙত উন্নতি কৰিছে। ৰাহুলে নিউজিলেণ্ডৰ বিৰুদ্ধে শেহতীয়াকৈ সমাপ্ত হোৱা টি-২০ শৃংখলাত ভাল খেলি শীৰ্ষ পাঁচত প্ৰৱেশ কৰিছে। সূৰ্য ২৪ খোজ আগবাঢ়িল।
আইচিচিয়ে বুধবাৰে নতুন টি-২০ তালিকা প্ৰকাশ কৰিছিল। ৰাহুল তাত বেটছমেনৰ তালিকাত পাঁচ নম্বৰত আছে । তেওঁ নিউজিলেণ্ডৰ বিৰুদ্ধে টি-২০ শৃংখলাত দুখন খেলত ৮০ ৰাণ সংগ্ৰহ কৰিছিল। পাকিস্তানৰ অপেনাৰ মহম্মদ ৰিজৱান তালিকাৰ চাৰিটা স্থানত আছে। ৰাহুল তেওঁৰ পৰা মাত্ৰ ৬ ৰেটিং পইণ্ট পিছ পৰি আছে। আনহাতে, সূৰ্যকুমাৰে তালিকাৰ ৮৩ তম স্থানৰ পৰা ২৪ টা স্থান বৃদ্ধি কৰি ৫৯ তম স্থানলৈ উৰ্ধগামী হৈছে। টি-২০ বিশ্বকাপত বিশেষ প্ৰভাৱ পেলাব নোৱাৰা স্বত্বেও তেওঁ নিউজিলেণ্ড শৃংখলাত ভাল খেলিছিল। ফলস্বৰূপে, তেওঁ তালিকাখনত ইমান ওপৰলৈ উঠিছে।
মাৰ্টিন গাপ্টিলে ভাৰতৰ বিৰুদ্ধে ১৫২ ৰাণ কৰি নিউজিলেণ্ডৰ হৈ সৰ্বাধিক ৰাণ কৰিছিল। ফলস্বৰূপে, গাপ্টিলে তালিকাৰ ১০ নম্বৰলৈ আগবাঢ়িছে। আনহাতে, টি-২০ শৃংখলাত সৰ্বাধিক ১৫৯ ৰাণ সংগ্ৰহ কৰি ৰোহিত শৰ্মা ১৩ নম্বৰ স্থানলৈ উন্নীত হৈছে।
