বিহাৰী ষ্টাইলত উপনিৰ্বাচনী প্ৰচাৰৰ চমক , ৬ বছৰৰ পিছত লালুৰ কান্ধত আৰ জে ডিৰ নতুন ইনিংছ

সূদীৰ্ঘকালৰ মূৰত বিহাৰৰ ৰাজনীতিলৈ প্ৰত্যাৱৰ্তন বিহাৰী বাবু লালুপ্ৰসাদ যাদৱৰ ৷ অৱশ্যে ইতিমধ্যে স্পষ্ট হৈ আছিল যে বিহাৰৰ উপনিৰ্বাচনৰ পৰিৱেশত লালুৱে বিহাৰৰ ৰাজনৈতিক মঞ্চত পুনৰ প্ৰত্যাৱৰ্তন কৰিব । এইটোও জানিব পৰা গৈছিল যে আৰজেডি ৰ মুৰব্বীক দুয়োটা সমষ্টিতে নিৰ্বাচনী প্ৰচাৰত দেখা যাব। লালুৱে বুধবাৰে পুনৰ বিহাৰত প্ৰচাৰত অংশগ্ৰহণ কৰে ।

শাৰীৰিক অসুস্থতা আৰু কাৰাবাসৰ বাবে লালুৱে যোৱা দুটা নিৰ্বাচনত অংশগ্ৰহণ কৰিব নোৱাৰিলে। লালু প্ৰসাদ ২০১৭ চনৰ ডিচেম্বৰৰ পৰা কাৰাগাৰত আছিল। ইফালে, লালু প্ৰসাদ যাদৱেও প্ৰচাৰত যোৱাৰ আগতে কালি ছোনিয়া গান্ধীৰ সৈতে ফোনযোগে কথা পাতিছিল বুলি সদৰি কৰিছে। লগতে, লালু উভতি অহাৰ বিষয়ে জল্পনা-কল্পনা দীঘলীয়া আছিল। অৱশ্যে, সকলো জল্পনা-কল্পনাৰ পিছত, লালুক এই সপ্তাহত অকলেই এক নতুন চমক দিয়া দেখা গ’ল। লালু প্ৰসাদ যাদৱে দুদিনৰ বাবে পাটনালৈ উভতি আহিছিল আৰু তেওঁৰ মূৰত সেউজীয়া টুপী, চাদৰ আছিল।
বুধবাৰে প্ৰায় ছয় বছৰৰ পিছত উপনিৰ্বাচনত লালু প্ৰসাদক দলৰ হৈ প্ৰচাৰ চলাবলৈ যোৱা দেখা গৈছিল। লালু নিজৰ পুৰণি মেজাজৰ সৈতে বিহাৰৰ ৰাজনীতিলৈ উভতি আহিছে। ৰাজনৈতিক বিশ্লেষকসকলে ভাবে যে বহু দিনৰ পিছত তাৰাপুৰৰ এখন নিৰ্বাচনী জনসভাত লালুৰ স্বাভাৱিক মনোভাৱতে দেখা গৈছিল । ইফালে, লালু সদায় বিহাৰৰ নেতাসকলৰ মাজত বক্তা হিচাপে পৰিচিত হৈ আহিছে। এইবাৰ এনেকুৱা লাগিছিল যেন আৰ জে ডি-ৰ মুৰব্বী জনতাৰ ওচৰলৈ সেই চিনাকি শৈলীত ঘূৰি আহিছে।

ইফালে, লালুৱে তেঁওৰ বিহাৰী শৈলীত সমৰ্থকসকলৰ প্ৰতি ভাষণ প্ৰদান কৰিছিল। তেওঁ বাৰে বাৰে কৈছিল যে ৰাজনীতিত তেওঁৰ সময় এতিয়াও শেষ হোৱা নাই। তেওঁ আনকি বৰ্ণনা কৰিছিল যে তেওঁৰ তালিকাত এতিয়াও দীঘলীয়া কাম বাকী আছে। তেওঁক আনকি শাসনাধিষ্ঠ জেডিইউলৈ এটা শক্তিশালী বাৰ্তা প্ৰেৰণ কৰাও দেখা গৈছিল। কিন্তু মনকৰিবলগীয়া যে লালুৰ যাদু আকৌ দেখিম বুলি ৰৈ থকা গুণমুগ্ধসকলে তেওঁৰ কণ্ঠত বয়সৰ প্ৰভাৱ স্পষ্টভাৱে দেখা পালে ।