বয়সে ৭০ বছৰ স্পৰ্শ কৰিলেও চুপাৰ ষ্টাৰ ৰজনীকান্তৰ চমকপদ জনপ্ৰিয়তা সামান্যও কমা নাই ৷ মুক্তি পালে দক্ষিণৰ চুপাৰ ষ্টাৰ ৰজনীকান্তৰ নতুন ছবি ’অন্নথে’ ৷ চিনেমাখনে কৰোনা ভাইৰাছ মহামাৰীৰ দ্বিতীয় ঢৌৰ পিছত দৰ্শকসকলক পুনৰ ছবিগৃহলৈ টানি আনিবলৈ সক্ষম হৈছে ৷
ছবিখনে মাত্ৰ এসপ্তাহত ২০০ কোটি টকা অতিক্ৰম কৰি এতিয়াও বক্স অফিচত এক গৌৰৱময় দৌৰ অব্যাহত ৰাখিছে। চিৰুথাই শিৱৰ দ্বাৰা পৰিচালিত এই ছবিখন এখন গ্ৰাম্য মনোৰঞ্জনধৰ্মী ছবি ৷
চান পিকচাৰ্ছৰ দ্বাৰা প্ৰযোজিত ’অন্নথে’ ৪ নৱেম্বৰত দেৱালী উপলক্ষে ছবিগৃহত মুক্তি লাভ কৰিছিল । কোভিড-১৯ মহামাৰীৰ বাবে চলচ্চিত্ৰখনৰ প্ৰযোজনা আৰু মুক্তি বিলম্বিত হৈছিল। নিৰ্মাণৰ প্ৰায় এবছৰৰ পিছত, অৱশেষত আন্নথে বিশ্বজুৰি ৰিলিজ দিয়া হৈছিল।
বাণিজ্য বিশ্লেষক মনোবালা বিজয়বালানে তেওঁৰ টুইটত লিখিছিল যে সপ্তাহটোৰ শেষত বক্স অফিচত সংগ্ৰহ সামান্য বৃদ্ধি পাইছে। তেওঁ লিখিছিল, “#Annaatthe ডব্লিউডব্লিউ বক্স অফিচ স্বাস্থ্যকৰ বৃদ্ধি। শনিবাৰে সপ্তাহ ১- ২০২.৪৭ কোটি টকা। সপ্তাহ ২ দিন ১- ৪.০৫ কোটি টকা। দ্বিতীয় দিন – ৪.৯০ কোটি টকা। তৃতীয় দিন – ৬.২১ কোটি টকা। সপ্তাহটোৰ শেষত মুঠ – ২১৭.৪৭ কোটি টকা (এছ.আই.চি.)।
