ভাৰতৰ সৰ্ববৃহৎ ৰাজহুৱা মালিকানাধীন বেঙ্ক, ভাৰতীয় ষ্টেট বেঙ্কে নিম্নতম সূতৰ হাৰত দুচকীয়া বাহন ঋণ প্ৰদান কৰি আছে। বুধবাৰে এক টুইটযোগে বেংক কতৃপক্ষই কয় যে গ্ৰাহকসকলে প্ৰতি ১০,০০০ টকাত মাত্ৰ ২৫৬ টকাৰ ইএমআইত এখন নতুন দুচকীয়া বাহন ক্ৰয় কৰিব পাৰিব।
ইয়াৰ উপৰিও, বেঙ্কে গ্ৰাহকসকলৰ বাবে দুচকীয়া বাহন ঋণৰ বাবে আবেদন কৰাটো সহজ কৰি তুলিছে। বাইক বা স্কুটাৰ ক্ৰেতাই এছ.বি.আই. ইয়োনো এপৰ জৰিয়তে পূৰ্ব-অনুমোদিত ঋণৰ বাবে আবেদন কৰি এছ.বি.আই.-ৰ পৰা ঋণ প্ৰাপ্ত কৰিব পাৰিব।
এছ.বি.আই.-য়ে টুইটত কৈছিল, “এছ.বি.আই.-ৰ সৈতে একাউণ্ট থকাটো এতিয়া অধিক লাভজনক! আপুনি কেইটামান ক্লিকত ইয়োনো এপৰ জৰিয়তে ২৪ ঘন্টাৰ ভিতৰত আপোনাৰ সুবিধা অনুসৰি পূৰ্ব-অনুমোদিত দুচকীয়া বাহন ঋণ প্ৰাপ্ত কৰিব পাৰে,”।
বৰ্তমান, এই ঋণ অফাৰত কেৱল এটা শ্ৰেণীৰ এছ.বি.আই. গ্ৰাহকক ৰখা হৈছে যিটো ৰাজ্যিক মালিকানাধীন ঋণদাতাই বাছনি কৰা চৰ্তৰ ওপৰত আধাৰিত কৰি পূৰ্ব-বাছনি কৰা হয়।
এছ.বি.আই.-য়ে বৰ্তমান দুচকীয়া বাহনৰ ওপৰত ২০,০০০ টকাৰ পৰা ৩ লাখ টকালৈকে ঋণ প্ৰদান কৰি আছে। গ্ৰাহকসকলে নিম্ন মাহিলী ইএমআই উপভোগ কৰিবলৈ সৰ্বাধিক ৪৮ মাহৰ বাবে ঋণৰ বাবে আবেদন কৰিব পাৰে।
পূৰ্ব-অনুমোদিত গ্ৰাহকসকলে তেওঁলোকে ক্ৰয় কৰিব বিচৰা বাইক বা স্কুটাৰৰ অন-ৰোড মূল্যৰ ৮৫% লৈকে ঋণ ল’ব পাৰে। লগতে, গ্ৰাহকসকলে আকৰ্ষণীয় হাৰত ঋণ ল’বলৈ বেঙ্কলৈ যাব নালাগে।
