নৰেন্দ্ৰ মোডীয়ে ভাৰতত বিতৰ্কিত তিনিখন কৃষি আইন বাতিল কৰাৰ কথা শুকুৰবাৰে পুৱা গুৰু নানকৰ জন্মদিনটোতে ঘোষণা কৰিছে ৷ বহুতে মতপোষণ কৰিছে যে এই ঘোষণাটো অনাগত বিভিন্ন প্ৰদেশৰ নিৰ্বাচনৰ খাতিৰত কৰিছে।
মোডী চৰকাৰে যোৱা বছৰ ছেপ্টেম্বৰত আইনত পৰিণত হ’বলৈ তিনিখন কৃষি বিধেয়ক সংশোধন কৰিছিল। তেতিয়াই দিল্লী, পঞ্জাৱ, হাৰিয়ানা, উত্তৰ প্ৰদেশ, ৰাজস্থানত কৃষকৰ আন্দোলন আৰম্ভ হৈছিল। নিৰন্তৰ আন্দোলনৰ পিছত, কৃষকসকলে এতিয়া সফলতা লাভ কৰিছে। প্ৰধানমন্ত্ৰীয়ে শুক্ৰবাৰে আইনখন বাতিল কৰাৰ ঘোষণাৰ পিছত মিঠাই আৰু লাড়ু বিতৰণ কৰা পৰ্ব আৰম্ভ কৰিছে কৃষকৰ মাজত।
*আহক এতিয়া চাওঁ, বিতৰ্কিত’ তিনিটা কৃষি আইনত কি আছিল:-
কৃষকসকলৰ বাণিজ্য (প্ৰচাৰ আৰু সুবিধা) আইন, ২০২০, মূল্য অধিগ্ৰহণ আৰু কৃষি সেৱা আইন, ২০২০ ৰ কৃষক (সশক্তিকৰণ আৰু সুৰক্ষা) চুক্তি, অত্যাৱশ্যকীয় সামগ্ৰী (সংশোধিত) বা অত্যাৱশ্যকীয় সামগ্ৰী আইন ।
চৰকাৰে দাবী কৰিছিল যে কৃষি আইনে ডাঙৰ ব্যৱসায়ীসকলৰ একচেটিয়া অধিকাৰ বন্ধ কৰিব। কোৱা হৈছিল কৃষকসকলে য’তে বিচাৰে আৰু যিয়ে বিচাৰে শস্য বিক্ৰী কৰিব পাৰিব । কৃষকসকলে সৰ্বাধিক বজাৰ মূল্য পাব। আইনখনে আন্তঃৰাজ্যিক বাণিজ্যৰ ওপৰত গুৰুত্ব আৰোপ কৰিছিল ৷ পৰিবহন ব্যয় হ্ৰাস কৰাৰ প্ৰস্তাৱো দিয়া হৈছিল । সৰ্বোপৰি, কৃষকসকলক কৃষি-বাণিজ্য সংগঠন আৰু খুচুৰা সেৱাৰ সৈতে সংযোগ কৰাটো লক্ষ্য আছিল।
কৃষকসকলে অভিযোগ কৰিছিল যে যদি আইনখন কাৰ্যকৰী কৰা হয়, চৰকাৰে ক্ৰমান্বয়ে নিম্নতম সমৰ্থন মূল্যত বজাৰৰ পৰা শস্য ক্ৰয় কৰা বন্ধ কৰিব। চৰকাৰী নিয়ন্ত্ৰণ বজাৰৰ পৰা আঁতৰ কৰা হ’ব। কৃষকসকলে পুঁজিপতিসকলৰ মুখলৈ চাব লাগিব। ব্যৱসায়ীসকলে কৃষকসকলৰ ওপৰত আধিপত্য বিস্তাৰ কৰিব।
