বিভিন্ন দল সংগঠনৰ শেষ শ্ৰদ্ধাঞ্জলি
ধিঙৰ বিশিষ্ট সমাজকৰ্মী, অধিবক্তা, আলিপুখুৰী পাটেকীবড়ী সত্ৰৰ পৰিচালনা সমিতিৰ সভাপতি ললিত চন্দ্ৰ বৰাৰ মঙ্গলবাৰে নিশা নগাঁৱৰ এখন ব্যক্তিগত চিকিৎসালয়ত শেষ নিশ্বাস ত্যাগ কৰে । জানিব পৰা মতে বিশিষ্ট সমাজকৰ্মী জন কেইবাটাও ৰোগত আক্ৰান্ত হৈ আছিল। মৃত্যুৰ সময়ত তেখেতৰ বয়স আছিল ৯৫ বছৰ । তেখেতৰ মৃত্যুৰ বাতৰি বিয়পি পৰাৰ লগে লগে বিভিন্ন দল সংগঠনৰ লগতে গুণমুগ্ধই তেখেতৰ বাসগৃহত উপস্থিত হৈ শেষ শ্ৰদ্ধাঞ্জলি জনায় । তাৰ পাছতে বৰাৰ নশ্বৰদেহ আলিপুখুৰী পাটেকীবড়ী সত্ৰলৈ লৈ যোৱা হয় , আলিপুখুৰী পাটেকীবড়ী সত্ৰত ভকত বৈষ্ণব সকলে ধৰ্মীয় ৰীতিনীতিৰে ললিত চন্দ্ৰ বৰাক শেষ শ্ৰদ্ধাঞ্জলি জনায় ।
