প্ৰধানমন্ত্ৰী মোডীৰ সৈতে বৃহস্পতিবাৰে ডিব্ৰুগড়ৰ মঞ্চত উপস্থিত থাকে ৰতন টাটা, অন্যান্য গণ্যমান্য ব্যক্তিসকলে উপস্থিত থাকে। ভাষণ দিবলৈ আৰম্ভ কৰি উদ্যোগপতি গৰাকীয়ে কয়, “মে হিন্দী মে ভাষণ নহয় দে সকতা ইছলিয়ে মাই আংগ্ৰেজি মে বলুঙ্গা।”
কিছু সময় ইংৰাজীতে কোৱাৰ পিছত, ৰতন টাটাই হিন্দীত কোৱা আৰম্ভ কৰে।
তেওঁ নতুন কৰ্কট চিকিৎসালয়ৰ উদ্বোধনক ৰাজ্যখনৰ ইতিহাসত এক ডাঙৰ বিষয় বুলি অভিহিত কৰি কয় যে অসমত কৰ্কট ৰোগৰ বাবে স্বাস্থ্যসেৱা আৰু চিকিৎসাৰ ক্ষেত্ৰত ১ম স্থানত থিয় হৈছে।
এই সময়ছোৱাত প্ৰধানমন্ত্ৰী মোডীক উদ্যোগপতিজনে দিয়া প্ৰতিটো মন্তব্য অতি গুৰুত্বসহকাৰে শুনি থকা দেখা গৈছিল।
তেওঁ আৰু কয়, “আজি, অসমে বিশ্বক দেখুৱাব পাৰে যে ইয়াৰ দৰে এখন সৰু ৰাজ্যই কৰ্কট কেন্দ্ৰ উদ্বোধন কৰিব পাৰে।”
প্ৰধানমন্ত্ৰী মোডীক ধন্যবাদ জনাই তেওঁ কয়, “মই প্ৰধানমন্ত্ৰী মোডীক ধন্যবাদ জনাইছো যে তেওঁৰ চৰকাৰে অসমক পাহৰি যোৱা নাই আৰু মই আশা কৰোঁ যে ত্ৰিৰংগাৰ লগতে ৰাজ্যখনেও নতুন উচ্চতা অৰ্জন কৰিব।”
প্ৰধানমন্ত্ৰী মোডীয়ে অসম চিকিৎসা মহাবিদ্যালয়ত ডিব্ৰুগড় কৰ্কট কেন্দ্ৰকে ধৰি ৭ খন নতুন কৰ্কট চিকিৎসালয় উদ্বোধন কৰে আৰু ৰাজ্যজুৰি আৰু সাতখন চিকিৎসালয়ৰ ভেটি স্থাপন কৰে।
প্ৰধানমন্ত্ৰীয়ে উদ্বোধন কৰা সাতখন কৰ্কট চিকিৎসালয় হৈছে ডিব্ৰুগড়, বৰপেটা, যোৰহাট , লখিমপুৰ, কোকৰাঝাৰ আৰু দৰঙত। আনহাতে ধুবুৰী, গোৱালপাৰা, গোলাঘাট, গীতগাৰ, নলবাৰী, নগাঁও আৰু তিনিচুকীয়াত নতুন প্ৰকল্পৰ আধাৰশিলা স্থাপন কৰে ।
টাটা ট্ৰাষ্টৰ অধ্যক্ষ ৰতন টাটা, কেন্দ্ৰীয় মন্ত্ৰী সৰ্বানন্দ সোণোৱাল আৰু ৰামেশ্বৰ তেলী, ৰাজ্যৰ ৰাজ্যপাল জগদীশ মুখী, অসমৰ মুখ্যমন্ত্ৰী হিমন্ত বিশ্ব শৰ্মাৰ সৈতে অন্যান্যসকল ডিব্ৰুগড়ত অনুষ্ঠিত অনুষ্ঠানটোত উপস্থিত থাকে।
