স্বৰ্গীয় ৰজনীকান্ত দাস আৰু স্বৰ্গীয় কমল গগৈ দেৱৰ পবিত্র স্মৃতিত বিশ্বনাথৰ বাইদেউ হোটেলৰ প্ৰেক্ষাগৃহত গ্ৰন্থ উন্মোচন
বিশ্বনাথ চাৰিআলিৰ বাইদেউ হোটেলত অসম সাহিত্য সেৱা মঞ্চৰ উদ্যোগত “পূজা প্ৰকাশন” ৰ দ্বাৰা প্ৰকাশ কৰা ছয়খন কৈ গ্ৰন্থ উন্মোচন কৰা হয় । সভাৰ আৰম্ভণিতে বন্তি প্ৰজ্বলণ কৰে অসম সাহিত্য সেৱা মঞ্চৰ জেষ্ঠ মডাৰেটৰ তথা গোটৰ মুখ্য উপদেষ্টা দ্বীপেন হাজৰিকাই । ইয়াৰ পাছতে সভাৰ উদ্দেশ্য ব্যাখ্যা কৰে অসম সাহিত্য সেৱা মঞ্চৰ সম্পাদক প্ৰেম বৈষ্ণৱে । সভাৰ আদৰণী ভাষণ প্ৰদান কৰে বিশ্বনাথ জিলা বিশিষ্ট সমাজ সেৱক ড০ কল্প কিশোৰ হাজৰিকাই ।
ইয়াৰ পাছতে প্ৰেম বৈষ্ণৱৰ দ্বাৰা ৰচিত “হেৰুৱা প্ৰেমৰ সুগন্ধি” আৰু প্ৰেম বৈষ্ণৱ ৰ সম্পাদনাত প্ৰকাশ কৰা “অসম সাহিত্য সেৱা মঞ্চ” ৰ মুখপত্ৰ “হৃদয়ৰ স্পন্দন” উন্মোচন কৰে ,সভাৰ বিশিষ্ট অতিথি ড০ ৰূপা ডেকা পাটৰে , গিৰিন্দ্ৰ কলিতাৰ গল্প সংকলন “এচেৰেঙা ৰঙা ৰ’দ” উন্মোচন কৰা হয় । গল্প সংকলনখন উন্মোচন কৰে ড০ কল্প কিশোৰ হাজৰিকাই , চৈয়দা জ্যোৎস্না ৰাণী বেগমৰ দ্বাৰা ৰচিত “গান্ধ বিৰিণা” কাব্যসংকলন উন্মোচন কৰে বিশ্বনাথৰ জেষ্ঠ সাংবাদিক নিৰঞ্জন হাজৰিকাই , নলবাৰী জিলাৰ উদীয়মান কবি অমৰেন্দ্ৰ দাসৰ দ্বাৰা ৰচিত “মোৰ এটি সপোন” কাব্যসংকলন উন্মোচন কৰে অসম সাহিত্য সেৱা মঞ্চৰ সম্পাদক কাব্যৰত্ন প্ৰেম বৈষ্ণৱে । কবি দিপ্তীমণি গোস্বামী দ্বাৰা ৰচিত “তৃষ্ণাতুৰ পৰাণ” কাব্যসংকলন উন্মোচন কৰে অসম সাহিত্য সেৱাৰ মঞ্চৰ জ্যেৎস্না মডাৰেটৰ, কিৰণ চন্দ্ৰ নাথে । সভাখনত সভাপতিত্ব কৰে অসম সাহিত্য সেৱা মঞ্চৰ সভানেত্রী ড’ শেৱালী বৰাই । সভাত উপস্থিত থকা সকলোকে ফুলাম গামোচা আৰু একোখনকৈ চেলেং চাদৰেৰে আদৰণি জনোৱা হয় । সদৌ শেষত “অসম সাহিত্য সেৱা মঞ্চৰ ” মুখ্য প্ৰশাসক পূজা ধৰ বৈষ্ণৱে সভাত উপস্থিত থকা সকলোকে আনুষ্ঠানিক ভাৱে শলাগৰ শৰাই আগবঢ়াই ।
