আজি ৩০ অক্টোবৰ । অসমৰ ইতিহাসৰ এটা ক’লা দিন।
২০০৮ চনৰ ৩০ অক্টোবৰত অসমৰ চাৰিখন জিলাত উগ্ৰপন্থীৰ দ্বাৰা সংঘটিত ধাৰাবাহিক বিস্ফোৰণত ৮৮ জন লোক নিহত হোৱাৰ লগতে ৫০০ৰো অধিক লোক আহত হয়। ১৯৯৩ চনৰ মুম্বাই বিস্ফোৰণ আৰু ২০০৬ চনত একেখন চহৰতে হোৱা ৰে’ল বোমা বিস্ফোৰণৰ পিছত এইটো ভাৰতৰ এতিয়ালৈকে হোৱা তৃতীয় বৃহত্তম বোমা আক্ৰমণ।
যোৱা মাহত আদালতে নেশ্যনেল ডেম’ক্ৰেটিক ফ্ৰণ্টৰ প্ৰাক্তন মুৰব্বী ৰঞ্জন দৈমাৰীক বোমা বিস্ফোৰণত ভূমিকা লোৱাৰ বাবে যাৱজ্জীৱন কাৰাদণ্ড গৃহীত কৰে। বিস্ফোৰণত জড়িত থকাৰ বাবে দৈমাৰীৰ চাৰিজন সহযোগীক অবৈধ কাৰ্যকলাপ (প্ৰতিৰোধ) আইনৰ অধীনত ৫-৭ বছৰৰ ভিতৰত কাৰাদণ্ড দিয়ে।
ইয়াৰ পূৰ্বে ২০১৯ চনৰ জানুৱাৰী মাহত গুৱাহাটীৰ বিশেষ আদালতে দৈমাৰী আৰু আন ৯ জনক হত্যা আৰু অন্যান্য অভিযোগত যাৱজ্জীৱন কাৰাদণ্ডৰ শাস্তি প্ৰদান কৰিছিল। ইয়াৰ এবছৰৰ পাছত প্রাক্তন বিদ্ৰোহী মুৰব্বীগৰাকীক চাৰি সপ্তাহৰ অন্তৱৰ্তীকালীন জামিনত মুকলি কৰি দিল্লীলৈ গৈ চৰকাৰৰ সৈতে চুক্তি স্বাক্ষৰ কৰা হয়।
বিস্ফোৰণৰ পিছতে অসম আৰক্ষীৰ বিশেষ তদন্তকাৰী দলে (SIT) গোচৰটো তদন্ত কৰি দুমাহমানৰ পিছত কেন্দ্ৰীয় তদন্তকাৰী ব্যুৰো (চিবিআই)ক গতাই দিয়ে।
উল্লেখ্য যে বিদ্ৰোহী গোটসমূহে পূৰ্বতে কেতিয়াও ইমান বিশাল পৰিমাণৰ বিস্ফোৰক ব্যৱহাৰ কৰা নাছিল। বিস্ফোৰণৰ তীব্ৰতা ফৰেনছিক তদন্তৰ পৰা অনুমান কৰিব পাৰি, য’ত গুৱাহাটীৰ প্ৰতিটো গাড়ী বোমাত প্ৰায় ২৫-৩০ কিলোগ্ৰাম আৰ ডি এক্স ব্যৱহাৰ কৰা হৈছিল আৰু প্ৰপেলেণ্ট হিচাপে এমোনিয়াম নাইট্ৰেটৰ সৈতে সংযুক্ত কৰা হৈছিল।
অৱশেষত চিবিআইৰ তদন্তই পূৰ্বে সংগ্ৰহ কৰা বিস্ফোৰণৰ প্ৰায় সকলো তথ্য নিশ্চিত কৰি এই গোচৰত ২২জন লোকৰ বিৰুদ্ধে অভিযোগ উত্থাপন কৰে; ইয়াৰে সাতজনক পলাতক বুলি ঘোষণা কৰা হয়। এনডিএফবিৰ মূৰব্বী ৰঞ্জন দৈমাৰীক ২০১০ চনত ঢাকাত গ্ৰেপ্তাৰ কৰি বাংলাদেশে ভাৰতক গতাই দিছিল।
কিন্তু আচল কথা হ’ল বিস্ফোৰণত আহত সকলে নতুবা তেওঁলোকৰ পৰিয়ালে বা আহতসকলে আজিও কি ন্যায় পালে সেয়া এক ডাঙৰ প্ৰশ্ন !!
