মূৰৰ বিষতনোহোৱা মানুহ বিচাৰি পোৱাটো টান। তীব্ৰ মূৰৰ বিষে এক যন্ত্ৰণাদায়ক পৰিস্থিতিৰ সৃষ্টি কৰে। কিন্তু মূৰৰ বিষ কোনো ৰোগ নহয়, মাথোঁ এটা লক্ষণ। সাধাৰণতে টোপনিৰ পৰিৱৰ্তন বা টোপনিৰ অভাৱ, সময়মতে খাদ্য গ্ৰহণ নকৰা, পানী কম খোৱা, উদ্বেগ বা মানসিক চাপৰ ফলত মূৰৰ বিষ হ’ব পাৰে।
কিছুমান ঘৰুৱা উপায় আছে, যিবোৰৰ সহায়ত অতি সোনকালে মূৰৰ বিষৰ পৰা উপশম পাব পাৰি-
হাইড্ৰেটেড হৈ থাকক
ডিহাইড্ৰেচন হৈছে মূৰৰ বিষৰ এটা সাধাৰণ কাৰণ। গতিকে নিশ্চিত হওক যে আপুনি গোটেই দিনটো পৰ্যাপ্ত পৰিমাণৰ পানী খাই আছে। মূৰৰ বিষ থাকিলে এগিলাচ বা দুগিলাচ ঠাণ্ডা পানী খাব লাগে। ই সোনকালে মূৰৰ বিষ কমায়।
জিৰণি লওক
যদি মূৰৰ বিষ অনুভৱ কৰে তেন্তে নিস্তব্ধ, আন্ধাৰ কোঠা এটাত চকু মুদি জিৰণি ল’বলৈ চেষ্টা কৰক। আপুনি দেখিব যে অলপ সময়ৰ ভিতৰতে মূৰৰ বিষ কমি যাব।
ঠাণ্ডা কম্প্ৰেছ প্ৰয়োগ কৰক
কপালত বা মূৰৰ আগফালে ঠাণ্ডা কম্প্ৰেছ লগাওক। মূৰৰ বিষৰ পৰা উপশম পোৱাত ই বহুখিনি সহায় কৰে।
হিট থেৰাপী লওক
হিট থেৰাপী লওক বা গৰম কম্প্ৰেছ ব্যৱহাৰ কৰক। পৰিষ্কাৰ কাপোৰ এখন গৰম পানীত ডুবাই চকুৰ ওপৰত ধৰি ৰাখক। বিশেষকৈ টেনচনৰ বাবে মূৰৰ বিষ হ’লে কুহুমীয়া পানীত গা ধুলে ভাল, ভাল কাম কৰে।
আদাৰ চাহ খাব
আদা এবিধ প্ৰদাহ নিবাৰণকাৰী মছলা। মূৰৰ বিষৰ সময়ত আদাৰ চিবুল বা আদাৰ চাহ খালে মূৰৰ বিষ আনকি অন্যান্য বিষৰ পৰাও উপশম পায়।
এৰোমাথেৰাপি
লেভেণ্ডাৰ, পদিনা, ইউকেলিপ্টাছ আদি আৱশ্যকীয় তেল ব্যৱহাৰ কৰিলে মূৰৰ বিষৰ পৰা উপশম পোৱা যায়। সম্ভৱ হ’লে ব্যৱহাৰ কৰক ।
মন কৰিব, যদি আপোনাৰ মূৰৰ বিষ তীব্ৰ আৰু দীৰ্ঘদিন ধৰি থাকে বা মূৰৰ বিষৰ লগত আন লক্ষণ দেখা দিয়ে তেন্তে সঠিক নিদান আৰু চিকিৎসাৰ বাবে বিলম্ব নকৰাকৈ চিকিৎসকৰ পৰামৰ্শ লওক।
